Trending

കായിക അധ്യാപകൻ മിനീഷിനെതിരെ കൂടുതൽ വെളിപ്പെടുത്തൽ:നെല്ലിപൊയിലിലെ വീട് പീഡനകേന്ദ്രം, സൗകര്യങ്ങൾ ഒരുക്കി നൽകുന്നത് വീട്ടുടമയായ സ്ത്രീ, പീഢനത്തോടൊപ്പം പെൺകുട്ടികളെ റൂമിൽക്കയറ്റി അധ്യാപകൻ മണിക്കൂറുകൾ നീണ്ടു നിൽക്കുന്ന മസാജും, തിരുമ്മലും നടത്തിക്കുന്നു, സീനിയർ വിദ്യാർത്ഥിനിയും അധ്യാപകനും തമ്മിലുള്ള ബന്ധവും ദുരൂഹം, കുട്ടികളെ എത്തിച്ചത് 30 കിലോമീറ്റർ അകലെയുള്ള സ്കൂളിൽ നിന്നും, ഞെട്ടിക്കുന്ന വിവരങ്ങൾ പുറത്ത്.




താമരശ്ശേരി: പീഢന കേസിൽ അറസ്റ്റിലായ കട്ടിപ്പാറ ഹോളി ഫാമിലി സ്കൂൾ അധ്യാപകൻ മിനീഷ് കുട്ടികളെ സ്ഥിരമായി പീഢനത്തിന് ഇരയാക്കിയത് നെല്ലിപൊയിലിലുള്ള തൻ്റെ സഹായിയായ സ്ത്രീയുടെ വീട്ടിൽ വെച്ച്.



സ്കൂളിന് സമീപം വാടക കെട്ടിടത്തിൽ താമസ സൗകര്യമൊരുക്കിയ കുട്ടികളെ അധിക ദിവസവും താമസിപ്പിച്ചത്
കട്ടിപ്പാറയിൽ നിന്നും 30 കിലോമീറ്ററിലധികം ദൂരമുള്ള നെല്ലിപൊയിലിലെ വീട്ടിൽ.

കുട്ടികളെ പീഡനത്തിനിരയാക്കാൻ എല്ലാ വിധ സൗകര്യങ്ങളും വീട്ടിൽ ഒരുക്കി നൽകിയത് കുട്ടികളും, രക്ഷിതാക്കളും മാതൃസ്ഥാനത്ത് കണ്ട സ്ത്രീ.
വീടിനകത്ത് കുട്ടികളെ ഒറ്റക്ക് പീഢനത്തിന് ഇരയാക്കുകയും, മൂന്നും നാലും കുട്ടികളെ കൊണ്ട് അധ്യാപകൻ്റെ ശരീരത്തിൽ തിരുമ്മിക്കുകയും മസാജ് ചെയ്യിപ്പിക്കുകയും ചെയ്തതായി വിദ്യാർത്ഥിനികൾ വെളിപ്പെടുത്തിയിട്ടുണ്ട്.

കുട്ടികൾ പുറത്ത് നിൽക്കെ തന്നെ സ്ത്രീയും അധ്യാപകനും മുറിക്കകത്ത് മണിക്കൂറുകൾ ചിലവിട്ടിരുന്നതായും കുട്ടികൾ പറഞ്ഞു. അധ്യാപകൻ്റെ ഇംഗിതത്തിന് വഴങ്ങാത്തവർക്കെതിരെ തെറിയഭിഷേകവും, മർദ്ദനവും പതിവാണ്.

യാദൃശ്ചികമായി നെല്ലിപ്പൊയിലിലെ വീട്ടിൽ എത്തിയ ഒരു വിദ്യാർത്ഥിനിയുടെ മാതാവ് തന്നെ കണ്ടെത് ഞെട്ടിപ്പിക്കുന്ന കാഴ്ചയാണ്, ഇവരെ കണ്ടതോടെ അധ്യാപകൻ്റെ മുറിയിൽ നിന്നും കുട്ടികൾ പിൻവാതിലിലൂടെ പുറത്തേക്ക് ഓടുകയായിരുന്നു. സാഹചര്യങ്ങൾ പന്തിയില്ലെന്ന് കണ്ട് ഇവരുടെ മകളെ വീട്ടിലേക്ക് കൂട്ടികൊണ്ടു പോയി.

എന്നാൽ കുട്ടിയെ തിരികെയെത്തിക്കാൻ അധ്യാപകൻ്റെ സഹായിയായ സ്ത്രീ ഫോണിലൂടെ തന്ത്രങ്ങൾ പറഞ്ഞ് കൊടുക്കുന്നതും, അമ്മ വന്ന അവസരത്തിൽ നടന്ന സംഭവങ്ങൾ വിവരിക്കുന്നതുമായ ശബ്ദ സന്ദേശങ്ങളും പുറത്ത് വന്നിട്ടുണ്ട്. കുട്ടിയുടെ മാതാവിനോടും അധ്യാപകൻ മോശമായ രീതിയിൽ പെരുമാറിയിരുന്നു.
കുട്ടിയോടും, മാതാവിനോടും പ്രണയാഭ്യർത്ഥന നടത്തുന്നതും, നഗ്നചിത്രങ്ങൾ ആവശ്യപ്പെടുന്നതുമായ ശബ്ദ സന്ദേശങ്ങളും പുറത്തു വന്നിരുന്നു.

അധ്യാപകൻ്റെ കൂടെ തന്നെ അന്തിയുറങ്ങാറുണ്ടെന്ന് മറ്റൊരു വിദ്യാർത്ഥിനി വെളിപ്പെടുത്തിയ സീനിയർ കായിക താരമായ വിദ്യാർത്ഥിനിയുടെ പങ്കിനെ കുറിച്ചും അന്വേഷണം നടത്തണമെന്ന് ആവശ്യം ഉയർന്നു വന്നിട്ടുണ്ട്.മറ്റു കുട്ടികളെ നിർബന്ധിച്ച് അധ്യാപകൻ്റെ കിടപ്പുമുറിയിൽ എത്തിക്കാൻ ഈ വിദ്യാർത്ഥിനി സമ്മർദ്ദം ചെലുത്തിയിരുന്നതായ വിവരവും പുറത്തുവന്നിട്ടുണ്ട്. മിനീഷ് നിരവധി കുട്ടികളെ പീഢനത്തിന് ഇരയാക്കിയിട്ടുണ്ടെങ്കിലും ഏതാനും പേർ മാത്രമാണ് പരാതിയുമായി രംഗത്ത് വന്നിട്ടുള്ളത്. രണ്ട് പോകാസോയടക്കം അഞ്ച് കേസുകൾ റജിസ്റ്റർ ചെയ്തു, ഒരെണ്ണം തേഞ്ഞിപ്പാലം പോലീസ് സ്റ്റേഷനിലേക്ക് താമരശ്ശേരിയിൽ നിന്നും റഫർ ചെയ്തു.
ഇന്നലെ പരാതി നൽകിയ വിദ്യാർത്ഥിനിയും ,അമ്മയും നേരത്തെ അധ്യാപകനെതിരെ സ്കൂൾ ഹെഡ്മാമാസ്റ്റർക്ക് നൽകിയിരുന്ന പരാതിയുടെ പകർപ്പും പോലീസിന് കൈമാറി.




T News

working in the field of advertising and printing

Post a Comment

Previous Post Next Post