കൊല്ലത്ത് വിഷവാതകം ശ്വസിച്ച് കിണറിനുള്ളിൽ കുടുങ്ങി മരിച്ചവരുടെ എണ്ണം 4 ആയി
byT News•
0
കൊല്ലം കുണ്ടറ പെരുമ്പുഴ കോവിൽമുക്കിൽ നിർമാണത്തിലിരുന്ന കിണറിനുള്ളിൽ കുടുങ്ങി 4 പേരും മരിച്ചു. നൂറടിയോളം താഴ്ച്ചയുള്ള കിണറിലാണ് അപകടം. കിണറിലെ ചെളി നീക്കം ചെയ്യാൻ ഇറങ്ങിയ രണ്ട് തൊഴിലാളികളാണ് ആദ്യം കിണറിൽ കുടങ്ങിയത്. തുടർന്ന് ഇവരെ രക്ഷിക്കാൻ ഇറങ്ങിയ രണ്ടു പേരും അപകടത്തിൽപ്പെടുകയായിരുന്നു.
സംഭവസ്ഥലത്ത് എത്തിയ രക്ഷാപ്രവർത്തകർ ഇവരിൽ ഒരാളെ രക്ഷപ്പെടുത്തിയെങ്കിലും മരണം സംഭവിക്കുകയായിരുന്നു .കിണറിനുള്ളിലെ ഓക്സിജന്റെ അഭാവമാണ് മരണകാരണം എന്നാണ് പ്രാഥമിക നിഗമനം .നൂറടിയോളം താഴ്ച്ചയുള്ളതിനാൽ രക്ഷാപ്രവർത്തനം ദുഷ്കരമായിരുന്നു.
