തിരുവനന്തപുരം: വീട്ടു ജോലിക്കായി വന്ന യുവതിയെ ലൈംഗികമായി പീഡിപ്പിച്ച എഴുപതുകാരനെ പോലീസ് പിടികൂടിയതായി ഐ.ജി.പിയും തിരുവനന്തപുരം സിറ്റി പോലീസ് കമ്മീഷണറുമായ ബൽറാംകുമാർ ഉപാദ്ധ്യായ അറിയിച്ചു. ആനയറ ആർടെക് ദീപം ഫ്ലാറ്റിൽ സ്റ്റെല്ലസ് ഫെർണാണ്ടസ് (70) നെയാണ് പേട്ട പോലീസ് അറസ്റ്റ് ചെയ്തത്.വ്യാഴാഴ്ചയാണ് യുവതിയ്ക്കു നേരെ അതിക്രമം നടന്നത്. വീട്ടിൽ ക്ലീനിംഗ് ജോലിക്കെന്നു പറഞ്ഞ് യുവതിയെ പ്രതി ഓട്ടോയിൽ കയറ്റി പ്രതിയുടെ ഫ്ലാറ്റിൽ കൊണ്ടുവന്ന ശേഷം ബലാൽക്കാരമായി ലൈംഗിക പീഡനത്തിന് വിധേയ മാക്കുകയായിരുന്നു. യുവതിയുടെ പരാതിയുടെ അടിസ്ഥാനത്തിൽ പേട്ട എസ്.എച്ച്.ഒ ബിനുകുമാർ, എസ്.ഐ രതീഷ്, സി.പി. ഒമാരായ ഉദയൻ, ഷമി എന്നിവരടങ്ങിയ പോലീസ് സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
