കെട്ടിടം നിർമ്മാണ പ്രവൃത്തി ഉദ്ഘാടനം ചെയ്തു

താമരശ്ശേരി : താമരശ്ശേരി ഗവ. വൊക്കേഷണൽ ഹയർ സെക്കന്ററി സ്കൂളിന് കോഴിക്കോട് ജില്ലാ പഞ്ചായത്ത് അനുവദിച്ച കെട്ടിടത്തിന്റെ നിർമ്മാണ പ്രവൃത്തി ഉദ്ഘാടനം ജില്ലാ പഞ്ചായത്ത്‌ പ്രസിഡന്റ് ഷീജ ശശി നിർവഹിച്ചു.

 ജില്ലാപഞ്ചായത്ത് സ്റ്റാൻഡിങ് കമ്മറ്റി ചെയർപേഴ്സൺ എൻ. എം വിമല സ്വാഗതം പറഞ്ഞ ചടങ്ങിൽ വൈസ് പ്രസിഡന്റ് എം. പി ശിവാനന്ദൻ അധ്യക്ഷതവഹിച്ചു. ജില്ല പഞ്ചായത്ത്‌ മെമ്പർ റംസീന നരിക്കുനി, പ്രിൻസിപ്പൽ ഹേമലത, പി. ടി. എ അംഗങ്ങളായ അഷറഫ് കോര ങ്ങാട്, വിനോദ് എന്നിവർ ആശംസകൾ അർപ്പിച്ചു. പി. ടി. എ പ്രസിഡന്റ് പി. എം അബ്ദുൽ മജീദ് റിസൾട്ട് അവലോകനം നടത്തി. മുഴുവൻ വിഷയങ്ങൾക്കും A+നേടിയ വിദ്യാർത്ഥികൾക്ക് ജില്ല പഞ്ചായത്ത്‌ പ്രസിഡന്റ് ഉപഹാരം നൽകി. ഹെഡ്മിസ്ട്രെസ് ജ്യോതി മനോത്ത് നന്ദി പറഞ്ഞു.