കർഷകർ ഫോറസ്റ്റോഫീസിന്‌ മുന്നിൽ നിന്നു കൊണ്ട് കരിദിനമാചരിച്ചു

താമരശ്ശേരി:  പത്തനംതിട്ട ചിറ്റാറിൽ വനം വകുപ്പ് ഉദ്യോഗസ്ഥരുടെ പീഢനം മൂലം മരണപ്പെട്ട പൊന്നു മത്തായിയുടെ ഒന്നാം ചരമ വാർഷികമായ ജൂലൈ 28 ന് കട്ടിപ്പാറ സംയുക്ത കർഷക കൂട്ടായ്മയുടെ നേതൃത്വത്തിൽ കരിദിനമായി ആചരിച്ചു. കരിദിനത്തിൻ്റെ ഭാഗമായി കർഷകർ  മരണത്തിനുത്തരവാദികളായ കുറ്റക്കാരായ ഉദ്യോഗസ്ഥരുടെ പേരിൽ നിയമ നടപടി സ്വീകരിക്കാത്തതിൽ പ്രതിഷേധിച്ചു കൊണ്ട് താമരശ്ശേരി ഫോറസ്റ്റ് ഓഫീസിനു മുന്നിൽ നിൽപ്പു സമരം നടത്തി. സമരം താമരശ്ശേരി മേഖലാ കർഷക കൂട്ടായ്മ ചെയർമാൻ കെ.വി.സെബാസ്റ്റ്യൻ ഉദ്ഘാടനം ചെയ്തു. സലീം പുല്ലടി അധ്യക്ഷത വഹിച്ചു.കൃഷി നശിപ്പിക്കുന്ന കാട്ടുപന്നികളെ വെടിവെച്ചു കൊല്ലാനുള്ള ഹൈക്കോടതി ഉത്തരവ് നടപ്പിലാക്കാൻ അടിയന്തിര നടപടി സ്വീകരിക്കണമെന്ന് സമരക്കാർ ആവശ്യപ്പെട്ടു.പി സി.റഹീം മാസ്റ്റർ, ബെന്നി ലൂക്ക, പീയൂസ് നരിവേലിൽ എന്നിവർ സംസാരിച്ചു.