മാലിന്യ നിർമാർജ്ജന പദ്ധതികൾ പ്രഖ്യാപങ്ങളിൽ മാത്രം ഒതുങ്ങുന്നു, ഓടകൾ മാലിന്യം നിറഞ്ഞ് അടഞ്ഞ നിലയിൽ.

താമരശ്ശേരി: മാലിന്യ നിർമാർജ്ജനത്തിനും,സംസ്കരണത്തിനും  പദ്ധതികൾ ആവിഷ്കകരിച്ചെങ്കിലും താമരശ്ശേരി ഗ്രാമപഞ്ചായത്തിലെ വിവിധ ഭാഗങ്ങളിൽ മാലിന്യം കെട്ടിക്കിടക്കുന്നു.

പരപ്പൻ പൊയിൽ അങ്ങാടിയിലെ ഓവുചാൽപ്ലാസ്റ്റിക് മാലിന്യം നിറഞ്ഞ് അടഞ്ഞ അവസ്ഥയിലാണ്. വ്യാപാര സ്ഥാപനങ്ങളിൽ നിന്നും കൃത്യമായി മാലിന്യം ശേഖരിക്കാൻ നടപടിയില്ലാത്തതിനാൽ റോഡരികിലേക്കും, ഓവുചാലിലേക്കുമാണ് മാലിന്യം തള്ളുന്നത്. കൃത്യമായ പദ്ധതിയും, വ്യാപാരികളുടെയും, പൊതുജനങ്ങളുടെയും സഹകരണവും ഉണ്ടെങ്കിൽ മാത്രമേ നമ്മുടെ അങ്ങാടികൾ വൃത്തിയായി കൊണ്ടു നടക്കാൻ പറ്റുള്ളൂ. പ്രഖ്യാപിക്കുന്ന പദ്ധതികളൊന്നും വിജയിക്കാത്ത ചരിത്രമാണ് നമ്മുടെ മുന്നിലുള്ളത്...