വയറിംങ്ങിലെ അപാകത, വില്ലേജ് ഓഫീസിൻ്റെ പ്രവർത്തനം താളം തെറ്റി.

.

താമരശ്ശേരി: വയറിംങ്ങ് ജോലിയിലെ അപാകത കാരണം താമരശ്ശേരി കാരാടിയിൽ പ്രവർത്തിക്കുന്ന രാരോത്ത് വില്ലേജ് ഓഫീസിൻ്റെ പ്രവർത്തനം താളം തെറ്റി.

നാലു മാസം മുൻപ് കമ്പ്യൂട്ടറുകളും, പ്രിൻ്ററുകളും സ്ഥാപിക്കുന്നതിനു വേണ്ടി നിർമ്മിതികേന്ദ്ര മുഖാന്തിരമാണ് വയറിംങ്ങ് ജോലികൾ പൂർത്തിയാക്കിയത്, മഴക്ക് മുൻപ് പ്രശ്നങ്ങൾ ഒന്നും ഉണ്ടായിരുന്നില്ലെങ്കിലും, മഴ ആരംഭിച്ചതോടെ വയറിംഗ് താറുമാറായി. പ്രിൻ്റർ പ്രവർത്തിപ്പിക്കാൻ സ്വിച്ച് അമർത്തിയാൽ മൊത്തത്തിൽ വൈദ്യുതി നിലക്കുന്ന അവസ്ഥയാണ്.

വിദ്യാലയങ്ങളിലേക്കുള്ള പ്രവേശനം നടക്കുന്ന അവസരത്തിൽ സാധാരണയിൽ കവിഞ്ഞ ആളുകളാണ് വിവിധ രേഖകൾക്കായി വില്ലേജ് ഓഫീസിൽ എത്തുന്നത്, എന്നാൽ ഇവിടെ നിന്നും നിലവിൽ പ്രിൻ്റുകൾ ഒന്നും എടുത്തു നൽകാൻ സാധിക്കുന്നില്ല. പ്രിൻറ് ലഭിക്കുന്ന മറ്റു സ്ഥാപനങ്ങളും ഇപ്പോൾ തുറന്ന് പ്രവർത്തിക്കുന്നില്ല. മാസങ്ങൾ പിന്നിട്ടിട്ടും ജനങ്ങൾ ബുദ്ധിമുട്ട് അനുഭവിക്കുന്ന ഈ അവസരത്തിൽ തകരാറുകൾ പരിഹരിക്കാൻ തയ്യാറാവാത്തതിൽ നാട്ടുകാർ പ്രതിഷേധം രേഖപ്പെടുത്തി.

വില്ലേജ് ഓഫീസർ അബ്ദുൽ ഗഫൂറിൻ്റെ സന്മനസ്സു കാരണം വളരെ അത്യാവശ്യക്കാർക്ക് അദ്ദേഹത്തിൻ്റെ വീട്ടിൽ നിന്നും പ്രിൻ്റെടുത്ത് എത്തിച്ചു കൊടുക്കുകയാണ്.