തിരുവനന്തപുരം: സംസ്ഥാനത്ത് ജൂലൈ 21 ബുധനാഴ്ച ബക്രീദ് പൊതു അവധി ആയിരിക്കുമെന്ന് സർക്കാർ അറിയിച്ചു. കലണ്ടറിലെ നാളത്തെ അവധിയാണ് മറ്റന്നാളത്തേക്ക് (ബുധനാഴ്ച) മാറ്റിയത്. നാളെ പ്രവൃത്തി ദിവസമായിരിക്കുമെന്നും സർക്കാർ അറിയിച്ചു.
ബക്രീദ് പ്രമാണിച്ച് കേരളത്തിൽ കൊവിഡ് നിയന്ത്രണങ്ങളിൽ ഞായറാഴ്ച മുതൽ മൂന്നു ദിവസം ഇളവ് ഏർപ്പെടുത്തിയിരുന്നു. ഇളവ് നൽകിയതിനെതിരെ നൽകിയ ഹർജി സുപ്രീംകോടതി നാളെ പരിഗണിക്കും. ആദ്യത്തെ കേസായി നാളെ പരിഗണിക്കാമെന്ന് കോടതി ഹർജിക്കാരനെ അറിയിച്ചിട്ടുണ്ട്.
