മരം കടപുഴകി വീണ് ദേശീയ പാതയിൽ ഗതാഗതം തടസ്സം

താമരശ്ശേരി:ദേശീയ പാത 766 ൽ കുന്ദമംഗലത്തിന് സമീപം മുറിയാനാലിൽ മരം കടപുഴകി വീണ് ഗതാഗതം നിലച്ചു. ഇന്നത്തെശക്തമായ മഴയിലാണ് മരം ഏറെ തിരക്കുള്ള റോഡിലേക്ക് വീണത്.സംഭവത്തിൽ ആളപായമില്ല. സമീപത്ത് നിർത്തിയിട്ട ലോറിക്ക് കേടുപാടുകൾ സംഭവിച്ചിട്ടുണ്ട്. ദേശീയ പാതയിൽ ഗതാഗതം തടസപ്പെട്ടു.
വെള്ളിമാടുകുന്നിൽ നിന്നും എത്തിയ ഫയർഫോഴ്‌സ് സംഘം മരം മുറിച്ച് നീക്കം ചെയ്യാൻ ആരംഭിച്ചു.

പോലീസിനും, ഫയർഫോഴ്‌സിനുമൊപ്പം കുന്ദമംഗലം ഗ്രാമ പഞ്ചായത്ത് വൈസ് പ്രസിഡന്റ് വി അനിൽകുമാർ ,മെമ്പർ നജീബ്, പൊതുപ്രവർത്തകരായ ഓ സലിം പതിമംഗലം, എൻ എം യുസഫ് ,മെമ്പർ ജസ്ലിൻ ,കുന്ദമംഗലം പോലീസ് സ്റ്റേഷൻ ഹൌസ് ഓഫീസർ യുസഫ്, എസ് ഐ വിൻസെന്റ് എന്നിവർ ഗതാഗതം പുനഃസ്ഥാപിക്കുന്നതിനായി നേതൃത്വം നൽകുന്നുണ്ട്