അപകടാവസ്ഥയിലുള്ള പാറക്കെട്ട് നീക്കം ചെയ്യൽ;വിദഗ്ധ സംഘം മാവുള്ള പൊയിൽ മലയിൽ സന്ദർശനം നടത്തി

താമരശ്ശേരി:കട്ടിപ്പാറ ഗ്രാമ പഞ്ചായത്തിൽ രണ്ടാം വാർഡിൽപ്പെട്ട മാവുള്ള പൊയിൽ മലയിൽ ഭീഷണി ഉയർത്തി നിൽക്കുന്ന കുറ്റൻ പാറകെട്ട് മുറിച്ചു മാറ്റുന്നത് സംബന്ധിച്ച് പരിശോധിക്കാൻ തൃശൂരിൽ നിന്നും വിദഗ്ധ സംഘമെത്തി.

താമരശ്ശേരി തഹസിൽദാറുടെ ക്ഷണപ്രകാരം  മുറിച്ചുനീക്കുന്നതിൽ വിദഗ്ധരായ തമ്പി & അസോസിയേറ്റ് എന്ന സ്ഥാപനത്തിൽ നിന്നുമുള്ളവരാണ് സന്ദർശനം നടത്തിയത് .

പാറക്കെട്ടിൻ്റെ അടിഭാഗം അടർന്ന് മാറിയത് കാരണം  എപ്പോൾ വേണമെങ്കിലും ഭീമൻ കല്ലുകൾ താഴ് വാരത്തിലേക്ക് പതിക്കാവുന്ന രൂപത്തിലാണ് പാറക്കെട്ട് നിലകൊള്ളുന്നത്. അതിനാൽ തന്നെ മലയുടെ താഴെ വസിക്കുന്നവർ ഭീതിയിലാണ്.