കലക്ടറുടെ ഉത്തരവിൽ അവ്യക്തത, ബാങ്ക് ജീവനക്കാരും, ഇടപാടുകാരും വലഞ്ഞു.

താമരശ്ശേരി: ഡി കാറ്റഗറിയിൽ ഉൾപ്പെട്ട പ്രദശത്തെ നിയന്ത്രണങ്ങൾ എന്തെല്ലാമെന്ന് വ്യക്തമാക്കുന്ന കലക്ടറുടെ ഉത്തരവിലെ അവ്യക്തത കാരണം ബാക്, ധനകാര്യ സ്ഥാപനങ്ങളിലെ ജീവനക്കാരും, ഇടപാടിനായി എത്തിയവരും വലഞ്ഞു.

കലക്ടർ ഇന്നലെ പുറപ്പെടുവിച്ച ഉത്തരവിൽ A,B,C കാറ്റഗറിൽ ബാങ്കുകളുടെ പ്രവർത്തനം സംബന്ധിച്ച ഇളവുകളെപറ്റി കൃത്യമായി പറഞ്ഞിട്ടുണ്ട്

എന്നാൽ D കാറ്റഗറിയിൽ ഒന്നും തന്നെ പരാമർശിക്കുന്നില്ല. ഇതു കാരണം ഇളവില്ലാതെ മുമ്പത്തെപ്പോലെ ബാങ്കുകൾ പ്രവർത്തിക്കുമെന്ന് കരുതിയാണ് ഇടപാടുകാർ എത്തിയത്.

പലയിടങ്ങളിലും ജീവനക്കാർ എത്തി സ്ഥാപനങ്ങൾ തുറക്കുകയും ചെയ്തിരുന്നു.

താമരശ്ശേരിയിൽ സെക്ടറൽ മജിസ്ട്രേട്രേറ്റ് എത്തി തുറന്ന ബാങ്കുകളും, ധനകാര്യ സ്ഥാപനങ്ങളും പിന്നീട് അടപ്പിച്ചു.

സ്ഥാപനങ്ങൾ തുറക്കാൻ പറ്റുമോ ഇല്ലയോ എന്ന് കൃത്യമായി ഉത്തരവിൽ വ്യക്തമാക്കാത്തതിനാൽ  വലയുന്നത് ജനങ്ങളാണ്.