കായിക അധ്യാപകൻ വി.ടി മിനീഷിനെതിരെ ഒരു പോക്സോ കേസു കൂടി റജിസ്റ്റർ ചെയ്തു.

താമരശ്ശേരി: പീഢന കേസിൽ പോലീസ് അറസ്റ്റ് ചെയ്ത കട്ടിപ്പാറ ഹോളി ഫാമിലി ഹൈസ്കൂകൂൾ അധ്യാപകൻ വി.ടിമിനീഷിനെതിരെ ഒരു കേസുകൾ കൂടി റജിസ്റ്റർ ചെയ്തു.ഇതോടെ കേസുകളുടെ എണ്ണം അഞ്ചായി.

രണ്ടു പോക്സോ കേസുകളും രണ്ട് പീഡന കേസും,ജെ. ജെ ആക്ട് ചേർത്ത് ഒരു മർദ്ദന കേസുമാണ് റജിസ്റ്റർ ചെയ്തിട്ടുള്ളത്. അഞ്ചു കേസുകൾ താമരശ്ശേരിയിലും ,ഒരെണ്ണം തേഞ്ഞിപ്പാലം പോലീസ് സ്റ്റേഷനിലുമാണ്.

പ്രായപൂർത്തിയാകാത്ത വിദ്യാർത്ഥിനിയോട് ലൈംഗിക അതിക്രമം കാണിച്ചതിനും, കുട്ടിയുടെ മാതാവിനോട് മോശമായി പെരുമാറിയതിനുമാണ് താമരശ്ശേരിയിൽ ഇന്ന് റജിസ്റ്റർ ചെയ്തത്.

അധ്യാപകൻ പ്രണയം നടിച്ചാണ് വിദ്യാർത്ഥിനികളെ വലയിലാക്കുന്നതെന്നും, പരിശീലനത്തിനെത്തുന്ന വിദ്യാർത്ഥികളുടെ മാനസിക നില തന്നെ ആകെ മാറുന്നതായും, കുട്ടികളെ അധ്യാപകനിലേക്ക് ആകർഷിക്കുന്ന രീതിയിൽ പരിവർത്തനം നടക്കുന്നതായും പരാതിക്കാരിയായ വിദ്യാർത്ഥിനി ടി ന്യൂസിനോട് പറഞ്ഞു.

കായിക താരമായ വിദ്യാർത്ഥിനിയുടെ മാതാവിനോട് ലൈംഗിക അതിക്രമം കാണിച്ചതിനാണ് തേഞ്ഞിപ്പാലത്ത് കേസ് റജിസ്റ്റർ ചെയ്തത്. കൂടുതൽ പേർ പരാതികളുമായി മുന്നോട്ട് വരുന്നുണ്ട്.

കായിക അധ്യാപകനുമായി ബന്ധപ്പെട്ട് ഇരകൾ പരാതി നൽകാൻ തയ്യാറായാൽ എല്ലാത്തിലും കേസെടുക്കുമെന്നും, പരാതിക്കാർക്ക് വേണ്ട എല്ലാ സഹായങ്ങൾ പോലീസിൻ്റെ ഭാഗത്ത് നിന്നും നൽകുമെന്നും താമരശ്ശേരി ഡി.വൈ.എസ്.പി അഷറഫ് പറഞ്ഞു.