ജോബി ആൻഡ്രൂസ് രക്തസാക്ഷി ദിനം ആചരിച്ചു

താമരശ്ശേരി: താമരശ്ശേരി ഗവ.ഹൈസ്കൂളിനു മുന്നിൽ വെച്ച് 1992 ജൂലായ് മാസം 15ന് കൊല ചെയ്യപ്പെട്ട ജോബീ ആൻഡ്രൂസിൻ്റെ ഇരുപത്തി ഒൻപതാമത് രക്തസാക്ഷി ദിനം ആചരിച്ചു. എസ്.എഫ്.ഐയുടെ കോഴിക്കോട് ജില്ലാ കമ്മിറ്റി സംഘടിപ്പിച്ച വാഹന പ്രചരണ ജാഥ താമരശ്ശേരി ഗവ.ഹൈസ്കൂളിൽ എത്തിച്ചേർന്നപ്പോൾ എം എസ് എഫ്, കെ എസ് യു പ്രർത്തകൾ നടത്തിയ കല്ലേറിനെ തുടർന്നായിരുന്നു മരണം. 

ജോബി ബലികുടീരത്തിൽ നടന്ന പുഷ്പാർച്ചയിൽ എസ്എഫ്ഐ ജില്ലാ ജോ: സെക്രട്ടറി ബി.സി അനുജിത്ത് രക്തസാക്ഷി പ്രതിജ്ഞ ചൊല്ലി. എസ്എഫ്ഐ സംസ്ഥാന സെക്രട്ടറി കെ.എം സച്ചിൻ ദേവ് എംഎൽഎ, ജില്ലാ സെക്രട്ടറി ടി.അതുൽ, സംസ്ഥാന കമ്മിറ്റി അംഗങ്ങളായ സിനാൻ ഉമ്മർ, എംകെ ബിബിൻ രാജ്, അലൈഡ ഗിരീഷ്, ജില്ല ജോ: സെക്രട്ടറി കെ.വി അനുരാഗ്, എൻ.ആർ റിനീഷ് തുടങ്ങിയവർ സംസാരിച്ചു. ജില്ല പ്രസിഡണ്ട് ആർ.സിദ്ധാർത്ഥ് അധ്യക്ഷനായി. ജില്ലാ സെക്രട്ടറി ടി. അതുൽ സ്വാഗതം പറഞ്ഞു. ഏരിയ സെക്രട്ടറി വി.കെ ശ്രീജിത്ത് ഉപസംഹരിച്ച് സംസാരിച്ചു. ജോബിയുടെ മാതാ പിതാക്കൾ സി.സി ആൻഡ്രൂസ്, മേരി ആൻഡ്രൂസ് എന്നിവർ പങ്കെടുത്തു. വിവിധ ഏരിയ, ലോക്കൽ, യൂണിറ്റ് കേന്ദ്രങ്ങളിൽ പ്രഭാതഭേരി, പുഷ്പാർച്ചന, പഠനോപകരണ വിതരണം, ഭക്ഷണവിതരണം, ശുചീകരണം എന്നിങ്ങനെ ഒട്ടനവധി അനുബന്ധ പരിപാടികൾ സംഘടിപ്പിച്ചു

photo: ജോബി ആൻഡ്രൂസ് ബലികുടീരത്തിൽ എസ് എഫ് ഐ സംസ്ഥാന സെക്രട്ടറി സച്ചിൻ ദേവ്  എൽ എ യുടെ നേതൃത്വത്തിൽ 

പുഷ്പാർച്ചന നടത്തുന്നു.