കാറ്റഗറി തിരിച്ചുള്ള ഇളവ്;നാളെ മുതൽ പാലായനം തുടങ്ങും

താമരശ്ശേരി: കാറ്റഗറി തിരിച്ച് കടകൾ തുറക്കാൻ ഇളവ് അനുവദിച്ചതോടെ പെരുന്നാൾ പ്രമാണിച്ച് നാളെ മുതൽ A,B,C കാറ്റഗറിയിൽപ്പെട്ട ഇടങ്ങളിലേക്ക് പലായനം തുടങ്ങും.

കാറ്റഗറി D യിൽപ്പെട്ട താമരശ്ശേരി, പുതുപ്പാടി, കൊടുവള്ളി, കട്ടിപ്പാറ, ഓമശ്ശേരി, കിഴക്കോത്ത്, മടവൂർ എന്നിവിടങ്ങളിലുള്ളവർ കാറ്റഗറി B യിൽപ്പെട്ട ബാലുശ്ശേരി, മുക്കം കാറ്റഗറി C യിൽപ്പെട്ട കോഴിക്കോട്, ഉണ്ണിക്കുളം (പൂനൂർ), കോടഞ്ചേരി, കുന്ദമംഗലം, തിരുവമ്പാടി എന്നിവിടങ്ങളിലേക്ക് പോകാനാണ് സാധ്യത.

അതോടെ കോവിഡ് വ്യാപനം കൂടിയ സ്ഥലങ്ങൾ എന്ന് പറഞ്ഞ് D കാറ്റഗറിയിൽപ്പെടുത്തിയ പ്രദേശങ്ങളിൽ ഉള്ളവർ കൂട്ടത്തോടെ കോവിഡ് TPR കുറഞ്ഞ A,B,C കാറ്റഗറിയിൽപ്പെട്ട സ്ഥലങ്ങളിൽ എത്തും, അന്തിമഫലമായി ദിവസങ്ങൾക്കകം എല്ലാ പ്രദേശങ്ങളും D കാറ്റഗറിയിലാവും.

എല്ലാ പ്രദേശങ്ങളിലേയും എല്ലാ കാറ്റഗറിയിലേയും സ്ഥാപനങ്ങൾ നിശ്ചിത സമയം തുറന്ന് പ്രവർത്തിക്കാൻ അനുവദിച്ചാൽ അതാത് സ്ഥലത്തുള്ളവർ അവിടങ്ങളിൽ നിന്നുതന്നെ സാധനങ്ങൾ വാങ്ങുകയും TPR കുറഞ്ഞ പ്രദേശത്തുള്ള വരുമായുള്ള സമ്പർക്കം കുറയുകയും ചെയ്യും.

നിലവിലെ രീതിയിയിൽ D കാറ്റഗറിയിൽപ്പെട്ട സ്ഥലങ്ങൾ അടച്ചിടുകയും ആ പ്രദേശത്തെ ആളുകൾക്ക് മറ്റിടങ്ങളിൽ പോകുന്നതിന് യാതൊരു തടസ്സമില്ലാതിരിക്കുകയും ചെയ്യുന്നിടത്തോളം എന്തു നേട്ടമാണ് ഉണ്ടാവുക എന്നത് ഉത്തരം കിട്ടാത്ത ചോദ്യമായി നിൽക്കുകയാണ്.