D കാറ്റഗറിയിലും ഇളവ് അനുവദിക്കണം, ജെ.ടി അബ്ദുറഹ്മാൻ മാസ്റ്റർ

താമരശ്ശേരി:മൂന്ന് ദിവസത്തെ ലോക് ഡൗണിൽ ഇളവ് ഡി കാറ്റഗറിയിലും ബാധകമാക്കണമെന്ന് താമരശ്ശേരി ഗ്രാമപഞ്ചായത്ത് പ്രസിഡൻറ് ജെ.ടി അബദുറഹ്മാൻ മാസ്റ്റർ ആവശ്യപ്പെട്ടു.

ബലി പെരുന്നാൾ പ്രമാണിച്ച് ഈ മാസം 18 മുതൽ 20 വരെ ലോക് ഡൗണിൽ വരുത്തുന്ന ഇളവിൽ ആനുപാതികമായി ഡി കാറ്ററിയെ കൂടി ഉൾപ്പെടുത്തണമെന്നും സാധാരണ ജനങ്ങൾക്കും തൊഴിലാളികൾക്കും വ്യാപാരികൾക്കും അതിജീവനത്തിന്റെ മാർഗ്ഗം കണ്ടെത്താനും. മറ്റുള്ള കാറ്റഗറിയിലെ ജനങ്ങൾക്ക് കിട്ടേണ്ടതിന്റെ ആനുപാതിക സൗകര്യം ലഭിക്കുന്നതിനുള്ള നടപടികൾ കൈകൊള്ളാനും അധികൃതർ തയ്യാറണമെന്നും ഈ പ്രദേശത്തുള്ള ജനങ്ങളെയും വിശ്വസത്തിലെടുക്കണമെന്നും അബ്ദുറഹ്മാൻ പറഞ്ഞു.ജനസംഖ്യാ ആനുപാതികമല്ലാതെയും അശാസ്ത്രീയവുമായ ടി.പി.ആർ. വിലയിരുത്തലാണ് ഗ്രാമ പഞ്ചായത്തിനെ ഡി കാറ്റഗറിയിൽ ഉൾപ്പെടുത്താൻ കാരണമായത് പ്രാദേശികമായ വിലയിരുത്തലാണ് ടി.പി.ആർ. വിഷയത്തിൽ കൈ കൊള്ളേണ്ടതെന്നും പഞ്ചായത്ത് ജനപ്രതിനിധികളുടെയും അധികൃതരുടെയും പഞ്ചായത്തിൽ പ്രവർത്തിക്കുന്ന ആരോഗ്യ പ്രവർത്തകരുടെയും പോലീസ് ഉദ്ധ്യോഗസ്ഥരുടെയും അഭിപ്രായങ്ങൾ മുഖവിലക്കെടുക്കണമെന്നും അദ്ദേഹം ആവശ്യപ്പെട്ടു.