താമരശ്ശേരിയിൽ പരിശോധന വർദ്ധിച്ചപ്പോൾ TPR ഗണ്യമായി കുറഞ്ഞു

താമരശ്ശേരി: താമരശ്ശേരിയിൽ ടെസ്റ്റുകളുടെ എണ്ണം വർദ്ധിച്ചപ്പോൾ TPR ഗണ്യമായി കുറഞ്ഞു.12.2% മാണ് ഇന്ന് പുറത്ത് വന്ന പരിശോധന ഫലപ്രകാരമുള്ള TPR.

താമരശ്ശേരിയിൽ ഡെൽറ്റ സാന്നിദ്ധ്യം റിപ്പോർട്ട് ചെയ്തതിനെ തുടർന്ന് ആറാം വാർഡിലെ താലൂക്ക് ആശുപത്രിക്ക് പിൻഭാഗത്തുള്ള നാൽപതോളം വീട്ടുകാരെ കൂട്ടത്തോടെ പരിശോധനക്ക് വിധേയമാക്കിയെങ്കിലും ഒരാൾക്ക് മാത്രമാണ് രോഗം സ്ഥിരീകരിച്ചത്.

താമരശ്ശേരി ഗ്രാമ പഞ്ചായത്തിൽ മൊത്തം 34 പേർക്ക് കോവിഡ് സ്ഥിരീകരിച്ചിട്ടും TPR 12.2% മാത്രമാണ്.

ഓരോ വാർഡിലെയും രോഗം റിപ്പോർട്ട് ചെയ്ത ഭാഗങ്ങളിൽ പരിശോധനാ ക്യാമ്പുകൾ നടത്തിയാൽ രോഗ വ്യാപനം തടയാൻ കഴിയുന്നതിനൊപ്പം, പഞ്ചായത്ത് ഉയർന്ന കാറ്റഗറിയിലേക്ക് നീങ്ങാതിരിക്കാൻ സഹായിക്കുകയും ചെയ്യും.

സാധാരണ രോഗലക്ഷണം പ്രകടമാക്കുന്നവരെ മാത്രമാണ് പരിശോധന നടത്തുന്നത് .ഇത്തരത്തിൽ എത്തുന്ന 10 പേരിൽ 5 പേർക്ക് പോസിറ്റീവ് ആയാൽ TPR 50 % ൽ എത്തുന്നു.

രോഗബാധിതരുള്ള വീട്ടിൻ്റെ ചുറ്റുവട്ടത്തിൽ നിന്നും 50 പേരെ പരിശോധക്ക് വിധേയമാക്കി അതിൽ 5 പേർക്ക് രോഗം സ്ഥിരീകരിച്ചാൽ TPR 5% ൽ നിൽക്കും. അതിനാൽ കൂടുതൽ ആളുകളെ പരിശോധനക്ക് വിധേയമാക്കി താമരശ്ശേരിയെ അടച്ചുപൂട്ടലിൽ നിന്നും മോചിപ്പിക്കണമെന്നാണ് പൊതുവെ ആവശ്യപ്പെടുന്നത്.