താമരശ്ശേരി :2021മാർച്ചിൽ നടന്ന SSLC പരീക്ഷയിൽ എഴുതിയ മുഴുവൻ വിദ്യാർത്ഥികളെയും ജയിപ്പിച്ചുകൊണ്ട് ചരിത്രം കുറിച്ച താമരശ്ശേരി ഗവ. വൊക്കേഷണൽ ഹയർ സെക്കന്ററി സ്കൂളിലെ കുട്ടികളെയും അധ്യാപകരെയും അനുമോദിച്ചു. ബഹുമാനപ്പെട്ട കേരള വനം വകുപ്പ് മന്ത്രി ശ്രീ. എ കെ ശശീന്ദ്രൻ അനുമോദന ചടങ്ങ് ഉദ്ഘാടനം ചെയ്തു. മലയോര മേഖലയുടെ ആശാകേന്ദ്രമായ ഈ സർക്കാർ സ്ഥാപനത്തിന് മികച്ച അംഗീകാരമാണ് ഇക്കൊല്ലത്തെ എസ്. എസ് എൽ. സി വിജയമെന്ന് അദ്ദേഹം അഭിപ്രായപ്പെട്ടു. കൊടുവള്ളി എം. എൽ. എ ഡോ. എം. കെ മുനീർ അദ്ധ്യക്ഷതവഹിച്ചു. ജില്ലാ പഞ്ചായത്ത് മെമ്പർ റംസീന നരിക്കുനി, വാർഡ് മെമ്പർ മാരായ ഫസീലഹബീബ്, എ. പി സജിത്ത്, എസ്. എം. സി ചെയർമാൻ സുരേഷ്കുമാർ, ജില്ലാ വിദ്യാഭ്യാസഓഫീസർ ജ്യോതിബായ്,കൊടുവള്ളി ബി. പി. സി മെഹറലി, അഷ്റഫ് കോരങ്ങാട് എന്നിവർ ആശംസകൾ അർപ്പിച്ചു. പ്രിൻസിപ്പൽ ഹേമലത റിപ്പോർട്ട് അവതരിപ്പിച്ചു. പി. ടി. എ പ്രസിഡന്റ് പി. എം അബ്ദുൽ മജീദ് സ്വാഗതവും ഹെഡ്മിസ്ട്രെസ് ജ്യോതി മനോത്ത് നന്ദിയും പറഞ്ഞു. വിദ്യാർത്ഥി പ്രതിനിധികളായി ഫാത്തിമ ഫിദ, അമൃതബാബു, ജിൻസിമ എന്നിവരും ചടങ്ങിൽ സംസാരിച്ചു.
Tags:
Latest News
