ബോട്സ്വാനയിൽ വാഹനാപകടം, മലയാളി യുവദമ്പതികൾ മരിച്ചു

തൃശൂർ: ആഫ്രിക്കൻ രാജ്യമായ ബോട്‌സ്വാനയിലെ ഗ്വാബോണിലുണ്ടായ വാഹനാപകടത്തിൽ മലയാളികളായ യുവ ദമ്പതികൾ മരിച്ചു. 

ഒരു വർഷം മുമ്പ് വിവാഹിതരായ തൃശൂർ ചേർപ്പ് വല്ലച്ചിറ ഗവ.സ്‌കൂളിന് സമീപം മേലയിൽ വീട്ടിൽ സുശീല ടീച്ചറുടെയും പരേതനായ സുകുമാരൻ മേനോന്റെയും മകൻ ദീപക് (29), ഭാര്യ എടക്കളത്തൂർ കുണ്ടയയൂരിൽ നന്ദകുമാറിന്റെയും ഗീതയുടെയും മകൾ ഡോ. ഗായത്രി (25) എന്നിവരാണ് മരിച്ചത്.

ഇന്നലെ പുലർച്ചെയായിരുന്നു അപകടം. 

ഇവരുടെ കാർ സിഗ്‌നലിൽ നിൽക്കുമ്പോൾ നിയന്ത്രണം വിട്ടുവന്ന മറ്റൊരു വാഹനം ഇടിക്കുകയായിരുന്നു. 

ബോട്‌സ്വാനയിലെ ഒരു സ്വകാര്യ കമ്പനിയിൽ മൂന്ന് വർഷമായി ചാർട്ടേഡ് അക്കൗണ്ടന്റായി ജോലി ചെയ്യുകയാണ് ദീപക്. 

സംസ്കാരം പിന്നീട്. 

ഗായത്രിയുടെ സഹോദരൻ ഹൃഷികേശ്. 

ദീപകിന്റെ സഹോദരി ദിവ്യ ഗോകുൽ (യു.എസ്.എ).