വീണ്ടും മെറ്റൽ ഇട്ട് കുഴിയടക്കൽ, മെറ്റൽ നിറക്കുത് മൂന്നാം തവണ, വാഹനങ്ങൾ കയറുകയും, മഴ പെയ്യുകയും ചെയ്യുമ്പോൾ കല്ലുകൾ തെറിച്ച് പോയി വീണ്ടും കുഴിയാവുന്നു. കുഴികളിൽ ചാടിയും, മെറ്റലിൽ നിരങ്ങിയും അപകടത്തിൽപ്പെട്ടത് നിരവധി പേർ..

താമരശ്ശേരി: ദേശീയ പാതയിൽ താമരശ്ശേരി ചുങ്കം മുതൽ കുന്ദമംഗലം വരെയുള്ള ഭാഗത്ത് ഗയിൽ പൈപ്പ് ലൈൻ സ്ഥാപിക്കുന്നതിനായി തീർത്ത കുഴികളിൽ മൂന്നാം തവണയും മെറ്റൽ നികത്തുന്നു.കഴിഞ്ഞ രണ്ടു തവണ ഇത്തരത്തിൽ കുഴികളിൽ മെറ്റൽ നിറച്ചിരുന്നെങ്കിലും വാഹനങ്ങൾ കയമ്പോൾ കല്ലുകൾ തെറിച്ച് പോയി വീണ്ടും കുഴികൾ പഴയപടിയാവുകയായിരുന്നു.

 ബ്രേക്ക് ചെയ്യുമ്പോൾ മെറ്റലിൽ നിരങ്ങി നിരവധി ഇരുചക്രവാഹനയാത്രക്കാർക്കാണ്  പരിക്കേറ്റത്. 

കഴിഞ്ഞ ദിവസം കുഴിയിൽ വീണ് സാരമായി പരിക്കേറ്റ രണ്ടു പേർ മെഡിക്കൽ കോളേജ് ആശുപത്രിയിൽ ചികിത്സയിലാണ്.ഈ സംഭവം പൊതുപ്രവർത്തകൾ പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസിൻ്റെ ശ്രദ്ധയിൽ പ്പെടുത്തിയതിനെ തുടർന്നാണ് വീണ്ടും മെറ്റൽ നിറച്ച് കുഴി മൂടാൻ ആരംഭിച്ചത്.

 അപകട സാധ്യത കൂട്ടുന്ന ഈ കല്ലു നിറക്കലിനെതിരെ വ്യാപാരികൾ പ്രതിഷേധവുമായി രംഗത്തുവന്നു. ഈ ഒപ്പിക്കൽ പരിപാടി നിർത്തി ശരിയായ രൂപത്തിൽ കുഴികൾ അടക്കണമെന്ന് വ്യാപാരി വ്യവസായി താമശ്ശേരി യൂനിറ്റ് ജനറൽ സിക്രട്ടറി റജി ജോസഫ് ആവശ്യപ്പെട്ടു.

എന്നാൽ മഴ കാരണം നിലവിൽ ടാറിംഗ് സാധ്യമല്ലെന്നും, മഴവിട്ടു നിന്നാൽ ഉടൻ ടാറിംഗ് നടത്തുമെന്നും ദേശീയ പാത അധികൃതൽ താമരശ്ശേരി ന്യൂസ്.കോം ലേഖകനോട് പറഞ്ഞു.

മഴയത്തും അറ്റകുറ്റപണികൾ നടത്താൻ സാധിക്കുന്ന ബിറ്റുവിൻ മിശ്രതം ഉപയോഗിച്ച് മുമ്പ് ദേശീയപാതയിലെ കുഴികൾ അടച്ചിരുന്നു.എന്നാൽ ഗയിൽ തീർത്ത കുഴികളിൽ ഈ രീതി എന്തുകൊണ്ട്  പ്രയോഗിക്കുന്നില്ല എന്നത് വ്യക്തമല്ല.