മുനവ്വറലി തങ്ങളും പി കെ കുഞ്ഞാലിക്കുട്ടിയും ഹരിത നേതാക്കളുമായി കഴിഞ്ഞ ദിവസം ചര്‍ച്ച നടത്തിയിരുന്നു. പരാതി പിന്‍വലിക്കണമെന്ന് ആവശ്യപ്പെട്ടപ്പോള്‍ ആദ്യം നടപടിയെടുക്കണമെന്ന മുന്‍ നിലപാട് ഹരിത പ്രസിഡന്‍റ് മുഫീദ തെസ്നിയും ജനറല്‍ സെക്രട്ടറി നജ്മ തബ്ഷീറയും ആവര്‍ത്തിച്ചു. പരാതി പിന്‍വലിച്ചാല്‍ എംഎസ്എഫ് പ്രസിഡന്‍റ് പി കെ നവാസിനെ പരസ്യമായി ശാസിക്കാമെന്നായിരുന്നു കുഞ്ഞാലിക്കുട്ടിയുടെ മറുപടി. ഒരു മാസത്തിന് ശേഷം എംഎസ്എഫ് സംസ്ഥാന നേത്യത്വത്തില്‍ മാറ്റങ്ങള്‍ വരുത്താമെന്നും വാഗ്ദാനം ചെയ്തു. ഹരിത നേതാക്കളെ ഫോണിലൂടെ അപമാനിച്ച എംഎസ്എഫ് മലപ്പുറം ജില്ലാ ജനറല്‍ സെക്രട്ടറി അബ്ദുല്‍ വഹാബിനെതിരെയും നടപടിയെടുക്കാനാവില്ലെന്ന നിലപാടാണ് ചര്‍ച്ചക്ക് നേതൃത്വം നല്‍കിയ കുഞ്ഞാലിക്കുട്ടിയെടുത്തത്.
Tags:
Latest News