Trending

കട്ടിപ്പാറ പീഢനം;അന്വേഷണം ശരിയായ ദിശയിൽ ശക്തമായി മുന്നോട്ട് പോകുന്നതായി അന്വേഷണ ചുമതലയുള്ള എസ്.ഐ ലളിത.




താമരശ്ശേരി: പീഢന കേസിൽ അറസ്റ്റിലായ കട്ടിപ്പാറ ഹോളി ഫാമിലി ഹയർ സെക്കൻ്ററി സ്കൂളിലെ കായിക അധ്യാപകൻ വി.ടി മിനീഷിനെതിരെയുള്ള  പരാതികളിൽ ശക്തമായ അന്വേഷണം തുടരുന്നതായി അന്വേഷത്ത ചുമതലയുള്ള വനിതാ എസ്.ഐ.ലളിത പറഞ്ഞു.

പീഡനത്തിന് ഇരയായവരെ വൈദ്യ പരിശോധനക്ക് വിധേയമാക്കുകയും, മജിസ്ട്രേറ്റിന് മുന്നിൽ CRPC 164 പ്രകാരം രഹസ്യമൊഴി രേഖപ്പെടുത്തുകയും ചെയ്തു. അധ്യാപകൻ ജോലി ചെയ്തത് സംബന്ധിച്ച് സ്കൂൾ രേഖകളുടെ പരിശോധനയും നടന്നു വരികയാണ്. ഇരകളെ പീഡനത്തിന് വിധേയമാക്കിയ  സ്ഥലങ്ങളിൽ എത്തിച്ച് സംഭവസ്ഥല മഹസറ് തയ്യാറാക്കി കഴിഞ്ഞു,
കൂടുതൽ വിദ്യാർത്ഥിനികളിൽ നിന്നും മൊഴി രേഖപ്പെടുത്തി കൊണ്ടിരിക്കുകയാണ് , ഈ നടപടി പൂർത്തിയായ ശേഷം മാത്രമേ  മറ്റാരെങ്കിലും അധ്യാപകന് വഴിവിട്ട സഹായം ചെയ്തു കൊടുത്തിട്ടുണ്ടോയെന്ന് വ്യക്തമാക്കുകയുള്ളൂ.



പ്രതി നിയമത്തിൻ്റെ മുന്നിൽ നിന്നും രക്ഷപ്പെടാതിരിക്കാനായി എല്ലാവിധ പഴുതുകളും അടച്ചാണ് നടപടികൾ തുടരുന്നത് എന്ന് അന്വേഷണ ഉദ്യോഗസ്ഥ വ്യക്തമാക്കി.

വിദ്യാർത്ഥിനിയെ മർദ്ദിച്ചെന്ന പരാതിയിൽ കഴിഞ്ഞ ദിവസം പ്രതിയെ കസ്റ്റഡിയിൽ വാങ്ങി തെളിവെടുപ്പ് നടത്തിയിരുന്നു, പീഢന പരാതിയിൽ വരും ദിവസങ്ങളിൽ തെളിവെടുപ്പ് നടക്കും.
T News

working in the field of advertising and printing

Post a Comment

Previous Post Next Post