താമരശ്ശേരി: ഭരണകൂട ഭീകരത അടിച്ചേല്പിക്കുന്ന മോദി സർക്കാർ രാജ്യത്തെ അസ്ഥിരീകരിക്കുകയാണെന്ന് സി പി ഐ സംസ്ഥാന കൗൺസിൽ അംഗം എം.നാരായണൻ. നിർഭയ ഇന്ത്യക്കായി നിരന്തര പോരാട്ടം എന്ന മുദ്രാവാക്യമുയർത്തി എ ഐ വൈ എഫ് കൊടുവള്ളി മണ്ഡലം കമ്മിറ്റി താമരശ്ശേരിയിൽ സംഘടിപ്പിച്ച ആസാദി സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എല്ലാ ജനവിഭാഗങ്ങളും സമരവീഥിയിലാണ്. അടിച്ചമർത്തൽ മോദി സർക്കാറിന്റെ മുഖമുദ്രയായി മാറിയിരിക്കുകയാണെന്നും നാരായണൻ പറഞ്ഞു. എ ഐ വൈ എഫ് മണ്ഡലം പ്രസിഡണ്ട് പി.ടി.സി. ഗഫൂർ അധ്യക്ഷത വഹിച്ചു. സി.പി. മണ്ഡലം സെക്രട്ടറി ടി.എം. പൗലോസ്, റിജേഷ് കുമാർ, പി. ഉല്ലാസ് കുമാർ, ദിലീപ് അടിവാരം, കെ.രഞ്ജിത്ത്, വി.കെ. അഷ്റഫ് എന്നിവർ സംസാരിച്ചു.
