ചുരത്തിൽ വീണ്ടും അപകടം, മണാശ്ശേരി സ്വദേശിയായ വിദ്യാർത്ഥിക്ക് പരിക്ക്.

താമരശ്ശേരി: ചുരത്തിൽ ഉച്ചയോടെയുണ്ടായ വാഹന അപകടത്തിൽ മണാശ്ശേരി കൈതൂർ സ്വദേശി ബൈക്ക് യാത്രക്കാരനായ വിദ്യാർത്ഥിക്ക് പരിക്കേറ്റു.കൂടെയുണ്ടായിരുന്ന സുഹൃത്ത് പരിക്കേൽക്കാതെ രക്ഷപ്പെട്ടു.

മുക്കം വരെ പോകുകയാണെന്ന് പറഞ്ഞ് വീട്ടിൽ നിന്നും ഇറങ്ങിയ ഇവർ വയനാട് ചുറ്റിക്കറങ്ങി തിരികെ വരുമ്പോഴാണ് അപകടം.

വയനാട്ടിൽ നിന്നും കാറ് വലിച്ചുകൊണ്ടുവരികയായിരുന്ന ക്രയിനിനെ മറികടക്കാനുള്ള ശ്രമത്തിനിടയിലാണ് ബൈക്ക് അപകടത്തിൽപ്പെട്ടത്. പരുക്കറ്റ നന്ദുവിനെ ആശുപത്രിയിൽ പ്രവേശിപ്പിച്ചു.

രാവിലെ ചുരത്തിൽ KSRTC ബസ്സും, ലോറിയും കൂട്ടിയിടിച്ച് ഏറെ നേരം ഗതാഗതം തടസ്സപ്പെട്ടിരുന്നു