ചുരത്തിലെ മാലിന്യങ്ങൾ നീക്കം ചെയ്തു

താമരശ്ശേരി : 

താമരശ്ശേരി ചുരത്തിലെ അടിവാരം മുതൽ ലക്കിടി വരെയുള്ള മാലിന്യങ്ങൾ നീക്കം ചെയ്തു അടിവാരം വയനാട് ചുരം സംരക്ഷണ സമിതിയുടെ നേതൃത്വത്തിൽ സംഘടിപ്പിച്ച പരിപാടിയിൽ പുതുപ്പാടി ഗ്രാമപഞ്ചായത്തിലെ ഇരുന്നൂറോളം തൊഴിലുറപ്പ് തൊഴിലാളികളും, മുക്കം ഫയർ & റെസ്‌ക്യു ടീമിലെ മുപ്പത്തഞ്ചോളം പ്രവർത്തകരും,ആദർശ് പൂനൂരിന്റെ നേതൃത്വത്തിലുള്ള ഇരുപതോളം സന്നദ്ധ പ്രവർത്തകരും വനം വകുപ്പ് ജീവനക്കാരും സജീവ പങ്കാളികളായി. 

  രാവിലെ 9 മണിയോടെ ചുരം വ്യൂ പോയന്റിൽ വച്ചു നടന്ന ഉത്ഘാടന ചടങ്ങിൽ ചുരം സംരക്ഷണ സമിതി ജന.സെക്രട്ടറി പി. കെ. സുകുമാരൻ സ്വാഗതവും ശ്രീമതി. സിന്ധു ജോയ് (ആരോഗ്യ സ്റ്റാന്റിങ് കമ്മറ്റി ചെയ്യർപേഴ്സൺ പുതുപ്പാടി പഞ്ചായത്ത്)അദ്ധ്യക്ഷയും വഹിച്ചു.പുതുപ്പാടി ഗ്രാമപഞ്ചായത്ത് പ്രസിഡന്റ് ശ്രീമതി. അഡ്വ: ആയിഷക്കുട്ടി സുൽത്താൻ ഉത്ഘാടനം നിർവഹിച്ചു സംസാരിച്ചു. ചുരം ശുചീകരണത്തിന് ശേഷം വീണ്ടും ചുരത്തിൽ മാലിന്യം നിക്ഷേപിക്കുന്നവരുടെ പേരിൽ കർശന നിയമ നടപടികൾ പോലിസ് സഹായത്തോടെ സ്വീകരിക്കുമെന്ന് പ്രസിഡന്റ് സൂചിപ്പിച്ചു. ഗ്രാമപഞ്ചായത്ത് വൈസ് പ്രസിഡന്റ് : ഷംസീർ പോത്താറ്റിൽ, ഫയർ & റെസ്ക്യൂ ടീം ക്യാപ്റ്റൻ : അഷ്‌കർ, ഫോറസ്റ്റർ :മുസ്തഫ, ചുരം സംരക്ഷണ സമിതി പ്രസിഡന്റ് : മൊയ്‌തു മുട്ടായി, ബുഷ്‌റ ഷാഫി (ബ്ലോക്ക്‌ പഞ്ചായത്ത് മെമ്പർ കൊടുവള്ളി ), ആയിഷ ബീവി (വികസനകാര്യ സ്റ്റാന്റിങ് കമ്മറ്റി ചെയർപേഴ്സൺ പുതുപ്പാടി ഗ്രാമപഞ്ചായത്ത് ), അടിവാരം പോലിസ് സബ് ഇൻസ്‌പെക്ടർ :രാധാകൃഷ്ണൻ,വാർഡ് മെമ്പർമാരായ നജ്മുന്നീസ ശരീഫ്, രാധ ടീച്ചർ, റംല റസാക്ക്, ഷംസു കുനിയിൽ, ബിജു തോമസ് എന്നിവരും ഷാഫി വളഞ്ഞപ്പാറ, താജുദ്ധീൻ.വി.കെ, ബിന്ദു ഉദയൻ, തുടങ്ങിയവർ സംസാരിച്ചു. ആദർശ് പൂനൂർ നന്ദി രേഖപെടുത്തി.

   200 ഓളം ചാക്ക് മാലിന്യങ്ങളാണ് ഇന്ന് ശേഖരിച്ചത്.ചുരത്തിൽ ബോധവൽക്കരണ ബോർഡുകളും കർശന പരിശോധനയും വരും ദിവസങ്ങളിൽ ഉണ്ടാകുമെന്ന് വനം വകുപ്പ്, പോലിസ് ഉദ്യോഗസ്ഥർ അറിയിച്ചു.