കട്ടിപ്പാറ പീഢനം;അധ്യാപകനെ സഹായിക്കുന്നതും ,നാട്ടുകാരെ വഞ്ചിക്കുന്നതും ആരെന്ന ചോദ്യവുമായി പൗരസമിതി

കായിക അധ്യാപകന്റെ പീഡന കേസിൽ കട്ടിപ്പാറക്കാരെ കളിപ്പിക്കുന്നത് ആരൊക്കെ..?

പൗരസമിതി ചോദിക്കുന്ന ചോദ്യം ഇവയാണ്.

1 ഇത്രയും കോളിളക്കമുണ്ടായ  കേസ് ഒരു സ്കൂളിൽ നടന്നിട്ട് ആ കായിക അധ്യാപകന്റെ കീഴിൽ പരിശീലനം നടത്തിയ കുട്ടികളെയും രക്ഷിതാക്കളെയും വിളിച്ചു ചേർക്കാനും കായിക വിദ്യാർത്ഥികൾക്ക് വേണ്ട സഹായം കൊടുക്കുവാനും സ്കൂൾ അധികൃതർ തയ്യാർ ആകാത്തത് എന്തുകൊണ്ട്?

2 വിദ്യാഭ്യാസ വകുപ്പ് ഇടപെട്ട് കൂടുതൽ വിദ്യാർത്ഥികൾക്ക് പരാതി ഉണ്ടോ എന്നുള്ളത് അന്വേക്ഷിച്ചു മറുപടി തരണം എന്നു പറഞ്ഞ കാര്യത്തിൽ സ്കൂൾ ഓൺലൈൻ ക്ലാസ്സ്‌ മീറ്റിംഗ് കൂടി ആ റിസൾട്ട്‌ വെച്ച് കൂടുതൽ പരാതി ആരും അറിയിച്ചില്ല എന്നുള്ള റിപ്പോർട്ട്‌ എങ്ങനെ ആണ് സമർപ്പിക്കുക? രഹസ്യ സ്വഭാവമുള്ള പരാതി ഗൂഗിൾ മീറ്റ് വഴി നൽകാൻ സാധിക്കുമോ..?

3 ഇപ്പോൾ കേസ് ചാർജ് ചെയിതിട്ടുള്ള പരാതികളിൽ ഒരു കുട്ടി ഒഴിച്ച് ബാക്കി കുട്ടികൾ ഒക്കെ സ്കൂളിൽ മുൻപ് പരിശീലനം നടത്തിയവർ അല്ലെ?അപ്പോൾ നിലവിൽ സ്കൂൾ ഒരു റിപ്പോർട്ട്‌ തയ്യാറാക്കി വിദ്യാഭ്യാസ വകുപ്പിന് കൈമാറുമ്പോൾ മുൻപ് പരിശീലനം നടത്തിയ വിദ്യാർത്ഥികളുടെ അഭിപ്രായം കൂടി ഉൾപ്പെടുത്തി അല്ലെ റിപ്പോർട്ട്‌ തയ്യാറാക്കി നൽകേണ്ടത് ..?

4 അഞ്ചും ആറും വർഷമായി കായിക പരിശീലനം നടത്തുകയും, സ്കൂളിന് വേണ്ടി ദേശീയ തലത്തിൽ അടക്കം നിരവധി മെഡലുകൾ നേടുകയും ചെയ്തിട്ടുള്ള കായിക താരങ്ങളോട് മുന്നോട്ടുള്ള കലയളവിൽ പരിശീലനം നടത്താൻ രക്ഷിതാക്കളുടെ സമ്മതപത്രവും, പരിശീലനം സ്വന്തം ഉത്തരവാദിത്തത്തിൽ നടത്തണമെന്നും പോലീസിന്റെ പേരും പറഞ്ഞു സത്യവാങ്മൂലവും ആവശ്യപ്പെട്ടത് ഇത്തരം പരാതി കൊടുത്തതിനുള്ള പ്രതികാരമോ??

സ്കൂളിൽ വരുന്ന കുട്ടികൾക്ക് യാതൊരു ഉത്തരവാദിത്തവും സ്കൂളിന് എടുക്കുക്കുവാൻ കഴിയില്ലെങ്കിൽ ആരെ വിശ്യസിച്ചാണ് രക്ഷിതാക്കൾ കുട്ടികളെ സ്കൂളിലേക്ക് പറഞ്ഞു അയക്കുക?

5 സ്കൂളിൽ കുട്ടികളുടെ നേർക്കുള്ള ലൈംഗിക ചൂഷണങ്ങൾ കണ്ടെത്താൻ നിയോഗിക്കപ്പെട്ടിട്ടുള്ള ഒരു

അധ്യാപിക ഉണ്ടായിട്ട് ഇത്രെയേറെ പരാതികൾ എങ്ങനെ സംഭവിച്ചു, ആ അധ്യാപികക്ക് എതിരെ കൃത്യവിലോപത്തിനു എന്തെങ്കിലും നടപടി സ്കൂൾ അധികൃതർ എടുത്തിട്ടുണ്ടോ??

6 രേഖാമൂലം പ്രധാന അധ്യാപകന് കൊടുത്തിട്ടുള്ള പോക്സോ ഉൾപ്പെടെ യുള്ള പരാതിയുടെ മേൽ പ്രധാനാധ്യാപകൻ മൗനം പാലിച്ചത് എന്തു കൊണ്ട്..?

7 സ്കൂളിലെ കായിക അധ്യാപകൻ തുടയെല്ലു ചവിട്ടി പൊട്ടിച്ച കുട്ടിക്ക് ഇതുവരെ അധികൃതർ ഒരു ചികിത്സാസഹായവും ചെയ്യാത്തത് എന്ത് കൊണ്ട്?

8 സ്കൂളിലേക്ക് സ്പോർട്സിസിൻ്റെ  പേര് പറഞ്ഞു പഞ്ചായത്തിൽ നിന്ന് ലക്ഷകണക്കിന് രൂപയുടെ കായിക ഉപകരണങ്ങൾ വാങ്ങി വെച്ചിട്ട് അത് സൂക്ഷിക്കാനും നല്ല രീതിയിൽ ഉപയോഗിക്കാനും സ്കൂൾ അധികൃതർ തയ്യാറാവാത്തത് എന്തുകൊണ്ട്.

9 പൂർവ്വ വിദ്യാർഥികൾ സ്കൂളിന് സംഭാവന ചെയ്ത ഓപ്പൺ സ്റ്റേജ് കെട്ടിമറച്ചു കായികാധ്യാപകന് മാത്രമായി കർട്ടൻ ഇട്ട ഒരു ഒളിമുറി അനുവദിച്ചത് സ്കൂൾ അധികൃതർ ഇത്തരം കാര്യങ്ങൾക്ക് ഒത്താശ ചെയ്യുന്നു എന്നുള്ളതിന് തെളിവല്ലേ?

10 പഞ്ചായത്തു കൊടുത്ത 300 ഓളം ജോഡി കായിക വസ്ത്രങ്ങളും സ്പോർട്സ് ഷൂ കളും ഈ കായികാധ്യാപകൻ കുട്ടികൾക്ക് കൊടുക്കാതെ

മുക്കിയതിന് പഞ്ചായത്ത് എന്തു നടപടി എടുത്തു?

11കട്ടിപ്പാറ പഞ്ചായത്ത് മൂന്നോളം യോഗങ്ങൾ ഈ വിഷയത്തിന്റെ മുകളിൽ നടത്തിയിട്ടും ഒരു കമ്മിറ്റി ഉണ്ടാക്കാനോ ഇത്തരം കേസുകളിൽ തുടർ നടപടി എടുപ്പിക്കാനോ പഞ്ചായത്തിന് കഴിഞ്ഞിട്ടുണ്ടോ ?

പഞ്ചായത്ത് വിളിച്ചു ചേർത്ത പ്രാക്ടീസ് നടത്തുന്ന കുട്ടികളുടെ രക്ഷിതാക്കളുടെ യോഗത്തിൽ പഞ്ചായത്ത് മുന്നിട്ടിറങ്ങി താത്കാലിക കായിക അധ്യാപകനെ പഞ്ചായത്ത് സ്പോർട്സ് കൗൺസിൽ മുഖേന നിയമിച്ചു തരാം എന്നുപറഞ്ഞു രക്ഷിതക്കളെ കമ്പിളിപ്പിച്ചത് എന്തിന്?

12 കായിക വിദ്യാർത്ഥികൾക്ക് നിരവധിയായ സ്പോൺസർഷിപ്പുകൾ വിവിധ ആളുകളോട് വാങ്ങിയിട്ടും കൂലിപ്പണിക്കാരായ രക്ഷിതാക്കളോട് പണം വാങ്ങിയല്ലേ ഈ അധ്യാപകൻ കായിക പരിശീലനം നൽകിയത്?

ഇത്തരം സാമ്പത്തിക ക്രമക്കേട് എന്തുകൊണ്ട് അന്വേഷിക്കുന്നില്ല?

ഇത്തരം നിരവധിയാ ചോദ്യങ്ങൾ ഇനിയും ബാക്കിയുണ്ട് , ഇതിനെങ്കിലും ബന്ധപ്പെട്ടവർ മറുപടി പറയുന്നില്ലെങ്കിൽ , നടപടി എടുക്കാൻ തയ്യാറായിട്ടില്ലെങ്കിൽ ബന്ധപ്പെട്ടവർക്കെതിരെ  ശക്തമായ പ്രതിഷേധം സങ്കടിപ്പിക്കുമെന്ന മുന്നറിയിപ്പു നൽകിയിരിക്കുകയാണ് കട്ടിപ്പാറ പൗരസമിതി.