ലൈവ് കാർ വാഷിംഗ് സെൻ്റർ പൊളിച്ചുമാറ്റിയത് കുഴൽപ്പണ ഇടപാടുകൾ നടത്തുന്നതിനാലെന്ന് സ്ഥലമുടമയുടെ വിശദീകരണം.

താമരശ്ശേരി, അടിവാരത്ത് ഇന്ത്യൻ ഓയിൽ കോർപറേഷൻ പമ്പിനോട് ചേർന്നുണ്ടായിരുന്ന ലൈൈവ് കാർ വാഷിംംഗ് സെൻ്റർ പൊളിച്ചു മാറ്റിയത് അവിടം കേന്ദ്രീകരിച്ച് കുഴൽപ്പണ ഇടപാടുകൾ നത്തുന്നതിനാലെന്ന് സ്ഥലമുടമയുടെ വിശദീകരണം.

പ്രസ്തുത സ്ഥലവും പെട്രോൾ പമ്പും ഏതാനും മാസങ്ങൾക്ക് മുമ്പാണ് പുതിയ ഉടമകൾ വിലക്ക് വാങ്ങിയതെന്നും. ആ സമയത്ത് അവിടെ ഉണ്ടായിരുന്ന ഒരു ഷെഡ് ഒഴിവാക്കി കൊടുക്കാം എന്ന കരാറിലായിരുന്നു വസ്തു കൈമാറ്റം നടന്നതെന്നും. എന്നാൽ പഴയ ഉടമ അത് അവിടെ നിന്നും ഒഴിവാക്കാനുള്ള നടപടികൾ സ്വീകരിച്ചില്ല എന്ന് മാത്രമല്ല, ആ സ്ഥലത്ത് പുതിയ CNG പ്ലാന്റ് സ്ഥാപിക്കാനുള്ള IOC യുടെ പ്രവർത്തനങ്ങൾ പഴയ ഉടമയിൽ നിന്നും ആ ഷെഡ് വാടകയ്ക്ക് എടുത്തയാൾ തടസ്സപ്പെടുത്തുകയും ചെയ്തു എന്നും സ്ഥലമുടമ പറഞ്ഞു.

തുടർന്ന് നടത്തിയ വിശദമായ നിരീക്ഷണത്തിൽ പ്രസ്തുത ഷെഡ്ഡിന് മുന്നിൽ വച്ചിരിക്കുന്ന 'ലൈവ് കാർ വാഷിംഗ് സെന്റർ' എന്ന ബോർഡ് മറയാക്കി കുഴൽപ്പണ കൈമാറ്റത്തിന് ഈ സ്ഥലം ഉപയോഗപ്പെടുത്തുകയാണ് എന്ന് തങ്ങൾക്ക് ബോധ്യം വന്നതായും സ്ഥലം ഉടമ പറഞ്ഞു.

സ്ഥാപനം മറയാക്കി നടത്തുന്ന നിയമ വിരുദ്ധ പ്രവർത്തനങ്ങൾ തങ്ങൾക്ക് കൂടി നിയമപ്രശ്നങ്ങൾ ഉണ്ടാക്കുമെന്ന് ബോധ്യപ്പെട്ടതിനാലും ആ ഷെഡ് ഉടനടി പൊളിച്ചുനീക്കണമെന്ന് പമ്പ് ഉടമയായ ഇന്ത്യൻ ഓയിൽ കോർപറേഷൻ നോട്ടീസ് നല്കിയതിനാലുമാണ് ഇപ്പോഴത്തെ സ്ഥലമുടമകൾ മുൻകൈ എടുത്ത് ആ നിയമവിരുദ്ധ ഷെഡ് പൊളിച്ചു മാറ്റിയെതെന്നാണ് സ്ഥലം ഉടമയുടെ വിശദീകരണം. എന്നാൽ ഇതു സംബന്ധിച്ച് പോലീസിൽ രേഖാമൂലം പരാതി നൽകിയിരുന്നില്ലായെന്നും ഉടമസ്ഥർ വ്യക്തമാക്കി. പഞ്ചായത്ത് അനുമതി പോലും ഇല്ലാത്ത അനധികൃതമായാണ് ഷെഡിൽ സ്ഥാപനം പ്രവർത്തിച്ചിരുന്നതെന്നും അവർ പറഞ്ഞു.

അതേ സമയം ലൈവ് കാർ വാഷ് എന്ന സ്ഥാപന ഉടമ നൽകിയ പരാതിയിൽ തൻ്റെ പേര് തെറ്റായി പരാമർശിച്ചതാണെന്നും, ഷെഡ് പൊളിച്ചുമാറ്റിയതിൽ താൻ പങ്കാളിയല്ലെന്നും അടിവാരത്തെ ചുമട്ട് തൊഴിലാളിയായ ഫൈസൽ പറഞ്ഞു.