തെറിയഭിഷേകവും, ദേഹോപദ്രവവും, താമരശ്ശേരിയിൽ ഇറങ്ങി നടക്കാനാവാതെ സ്ത്രീകൾ.

താമരശ്ശേരി: താമരശ്ശേരിയിലെ നടപ്പാതയിലൂടെ നടന്നുപോകുന്ന സ്ത്രീകൾക്കും, വിദ്യാർത്ഥിനികൾക്കും നേരെയും,ബസ് ബേയിൽ അടക്കം ബസ്സ് കാത്തിരിക്കുന്നവർക്ക് നേരെയുമാണ് പതിവായി തെറി വിളി. കേട്ടാൽ അറക്കുന്ന ഭാഷയിൽ തെറി വിളി കാരണം സ്ത്രീകൾ പൊറുതിമുട്ടിയിരിക്കുകയാണ്. മാന്യമായ വേഷം ധരിച്ച് സ്ത്രീകൾക്ക് സമീപം എത്തി പച്ച തെറി പറയുന്നതിൽ പിഎച്ച്ഡി എടുത്ത ഒരാൾ ഏതു നേരവും പട്ടണത്തിലെ നടപ്പാതയിലും ബസ്സ് ബേയിലും കാണുന്ന വ്യക്തിയാണ് ഇദ്ദേഹം .പച്ച തെറി വിളിയുമായി ഇടക്കിടക്ക് രംഗത്ത് വരുന്ന മറ്റൊരാൾ ചുങ്കം സ്വദേശിയാണ്.  

ഇവരുടെ ശല്യം കാരണം നിരവധി സ്ത്രീകൾ പോലീസിൽ വിളിച്ച് പരാതി പറയാറുണ്ടെങ്കിലും കാര്യമായി ഒന്നും ചെയ്യാൻ പോലീസിന് സാധിക്കുന്നില്ല. ഇന്ന് പോലീസിൻ്റെ മുന്നിൽ വെച്ചും തെറക്ക് യാതൊരു കുറവുമില്ല, ഇന്ന് പച്ച തെറി കേൾക്കേണ്ടി വന്നത് ബസ്സ് കാത്തിരിക്കുകയായിരുന്ന സ്ത്രീകൾക്കാണ്.

പൊതു ശല്യമായി മാറിയ ഇവരെ മാനസിക രോഗ ചികിത്സാ കേന്ദ്രത്തിലേക്കോ, മറ്റേതെങ്കിലും സ്ഥലങ്ങളിലേക്കോ അയക്കാനുള്ള നടപടി അടിയന്തിരമായി സ്വീകരിക്കണമെന്നാണ് സ്ത്രീകൾ അടക്കമുള്ളവർ ആവശ്യപ്പെടുന്നത്, തെറി വിളിക്ക് പുറമെ പെയിൻ്റ് ചെയ്ത് വൃത്തിയാക്കി ഇടുന്ന പോലീസ് സ്റ്റേഷൻ, യു.പി സ്കൂൾ അടക്കമുള്ള താമരശ്ശേരിയിലെ ചുമരുകളിൽ ചിത്രങ്ങൾ വരച്ച് വൃത്തികേടാക്കുന്ന ശീലവുമുണ്ട്. മദ്യ ലഹരിയിൽ ചുങ്കം സ്വദേശി ട്രാഫിക് ഡ്യൂട്ടിയിലുള്ള ഹോം ഗാർഡുകൾക്ക് നേരെ പോലും തെറിയഭിഷേകം നടത്താറുണ്ട്. ഇടക്ക് ഇവരുടെ വക ദേഹോപദ്രവവും ഏൽക്കാറുള്ളതായി ചില സ്ത്രീകൾ പറഞ്ഞു.

 

മക്കൾക്കൊപ്പം സഞ്ചരിക്കുന്നവർ തെറി വിളി മൂലം ഏറെ പ്രയാസം അനുഭവിക്കുന്നുണ്ട്.