2021 ഒക്ടോബര് ഏഴിന് കോഴിക്കോട്ടേക്ക് പുറപ്പെട്ട ബസിന്റെ പിന്നില് വലതുഭാഗത്ത് ഒരു ടയര് മാത്രമാണ് ഉണ്ടായിരുന്നത്. യാത്രക്കിടെ ഡ്രൈവറും കണ്ടക്ടറുമാണ് പിഴവ് കണ്ടെത്തിയത്. കോഴിക്കോട്ടേക്ക് ബസ് പുറപ്പെടുന്നതിന്റെ തലേ ദിവസം വരെ ബസ് വര്ക്ക്ഷോപ്പിലായിരുന്നു.
ഈ ദിവസം ഡ്യൂട്ടി ചാര്ജ്മാന്റെ നിര്ദേശ പ്രകാരം മെക്കാനിക്കുകള് ബസിന്റെ സ്പ്രിംഗ്സെറ്റ് ക്രമീകരിച്ചിരുന്നു. എന്നാല് ചാര്ജ്മാന് ഈ ബസിന്റെ ലോഗ്ഷീറ്റ് വാങ്ങി ജോലി രേഖപ്പെടുത്തുകയോ അതിനുള്ള നിര്ദേശം മെക്കാനിക്കുകള്ക്കു നല്കുകയോ ചെയ്തില്ല. ബസിന്റെ ടയര് മറ്റൊരു ബസിലേക്ക് മാറ്റാന് നിര്ദേശിച്ച ടയര് ഇന്സ്പെക്ടറും ലോഗ് ഷീറ്റ് പരിശോധിച്ചില്ല. ബസ് ഓടിച്ചുനോക്കി സര്വീസിനു യോഗ്യമാണോ എന്നു പരിശോധിക്കേണ്ട വെഹിക്കിള് സൂപ്പര്വൈസറുടെ ചുമതലവഹിച്ച ഡ്രൈവറും വീഴ്ചവരുത്തി. ഇതിനെ തുടര്ന്നാണ് ജീവനക്കാരെ സസ്പെന്ഡ് ചെയ്തത്. ഇന്സ്പെക്ടര് സി ബാലന് നല്കിയ അന്വേഷണ റിപ്പോര്ട്ടിന്മേലാണ് നടപടി.
Tags:
Latest News