ബിഹാറിൽ ഇടിമിന്നലേറ്റ് 13 പേർക്ക് ദാരുണാന്ത്യം; മരിച്ചവരുടെ കുടുംബങ്ങൾക്ക് സഹായധനം പ്രഖ്യാപിച്ച് സർക്കാർ

പാട്ന: ബിഹാറിൽ ഇടിമിന്നലേറ്റ് 13 പേർ മരിച്ചു. നാല് ജില്ലകളിലായാണ് 13 മരണം റിപ്പോർട്ട് ചെയ്തിരിക്കുന്നത്. ബെഗുസാരായിയിൽ മാത്രം 5 പേർ മരിച്ചു. കൂടാതെ ദർഭംഗയിൽ നാലും മധുബാനിയിൽ മൂന്ന് പേരും മരിച്ചു. സമസ്തിപൂരിൽ ഒരു മരണവും റിപ്പോർട്ട് ചെയ്തതിട്ടുണ്ട്.

അപകടം ബിഹാർ മുഖ്യമന്ത്രിയുടെ ഓഫീസ് സ്ഥിരീകരിച്ചിട്ടുണ്ട്. മരിച്ചവരുടെ കുടുംബാംഗങ്ങൾക്ക് 4 ലക്ഷം രൂപ സഹായധനം പ്രഖ്യാപിച്ചു. ഇന്ന് രാവിലെ പെയ്ത ശക്തമായ മഴയിലും കാറ്റിലും ആലിപ്പഴ വീഴ്ചയിലും സംസ്ഥാനത്ത് നിരവധി നാശനഷ്ടങ്ങൾ ഉണ്ടായി.