തെരുവ് നായ കുറുകെ ചാടി; സ്കൂട്ടർ നിയന്ത്രണം വിട്ട് രണ്ടു പേർക്ക് പരുക്ക്

 

താമരശ്ശേരി: കോഴിക്കോട് കൊല്ലഗൽ ദേശീയ പാതയിൽ താമരശ്ശേരിക്ക് സമീപം പുതുപ്പാടി  നെരൂക്കും ചാലിൽ തെരുവുനായ കുറുകെ ചാടിയതിനെ തുടര്‍ന്ന്  സ്കൂട്ടർ നിയന്ത്രണംവിട്ട് മറിഞ്ഞുണ്ടായ അപകടത്തില്‍ രണ്ട് യുവതികൾക്ക് പരിക്കേറ്റു.

കോഴിക്കോട് താമസിക്കുന്ന പേരാമ്പ്ര സ്വദേശികളായ ആർദ്ര ,  ആതിര എന്നിവർക്കാണ് പരിക്കേറ്റത്.

ഇരുവരെയും താമരശ്ശേരി താലൂക്ക് ആശുപത്രിയിൽ പ്രാഥമിക ചികിത്സ നൽകിയതിനു ശേഷം കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.താമരശ്ശേരി ഭാഗത്ത് നിന്നും വയനാട് ഭാഗത്തേക്ക് പോകുകയായിരുന്ന സ്കൂട്ടർ രാത്രി 8 മണിയോടെയാണ് അപകടത്തിൽപ്പെട്ടത്.

താമരശ്ശേരി ചെക്ക് പോസ്റ്റിന് സമീപം  തെരുവ് നായ ബൈക്കിന് മുന്നിൽ ചാടി നിയന്ത്രണം വിട്ട ബൈക്ക് മറിഞ്ഞ് തലക്ക് പരുക്കേറ്റ വീട്ടമ്മ ഇന്നലെ മരണപ്പെട്ടിരുന്നു.