Trending

ഇയാൾ അധ്യാപകനോ..? മീറ്റിൽ പങ്കെടുക്കാൻ എത്തിയ കായിക താരമായ വിദ്യാർത്ഥിനിക്ക് നേരെയും പീഢനശ്രമം, ഉറങ്ങാൻ പോലും അനുവദിച്ചില്ല, ഫോൺ സംഭാഷണം പുറത്ത്. എല്ലാം മുൻകൂട്ടി അറിയാവുന്ന നെല്ലിപ്പൊയിൽ സ്വദേശിനിയായ സ്ത്രീ രാവിലെ ഫോണിൽ വിളിച്ച് കുട്ടിയോട് കുശലാന്വേഷണവും നടത്തി




താമരശ്ശേരി: പീഡന കേസിൽ അറസ്റ്റിലായ കായിക അധ്യാപകൻ മീറ്റിൽ പങ്കെടുക്കാൻ എത്തിയ വിദ്യാർത്ഥിനിക്ക് നേരെ പീഡനശ്രമം നടത്തി, അധ്യാപകന് സഹായം നൽകുന്ന മറ്റൊരു സീനിയർ വിദ്യാർത്ഥിനിയുടെ പങ്ക് വെളിവാക്കുന്ന ശബ്ദ സന്ദേശം പുറത്ത്.



അധ്യാപകൻ്റെ പെരുമാറ്റ ദൂഷ്യം കാരണം പാതിവഴിയിൽ കോച്ചിംഗ് ഉപേക്ഷിച്ച വിദ്യാർത്ഥിനിയും, മീറ്റിൽ പങ്കെടുത്ത വിദ്യാർത്ഥിനിയും തമ്മിൽ നടന്ന സംഭവങ്ങൾ വിവരിക്കുന്നതാണ് ഫോൺ റെക്കോർഡിംഗ്.

പതിവായി മീറ്റുകൾ നടക്കുമ്പോൾ മത്സരാർത്ഥികൾ ഒന്നിച്ച് മുറിയെടുത്താണ് താമസിക്കാറുള്ളതെന്നും എന്നാൽ ഈ സംഭവം നടക്കുന്ന അവസരത്തിൽ മത്സരത്തിൽ പങ്കെടുത്ത മറ്റൊരു കുട്ടിയുടെ ബന്ധുവിൻ്റെ വീട്ടിലെ മുകൾ നിലയിലായിരുന്നു താസമിച്ചിരുന്നതെന്നും ,എല്ലാവരും ഒന്നിച്ച് എത്താതെ അവരവരുടെ മത്സരമുള്ള ദിവസങ്ങളിൽ എത്തിയാൽ മതി എന്ന നിർദേശം നൽകിയിരുന്നതായും പറയുന്നു.

പീഢന ശ്രമത്തിന് ഇരയായ കുട്ടിക്ക് ആദ്യ ദിവസവും, അവസാന ദിവസവും മത്സരമുണ്ടായിരുന്നു, അതിനാൽ അവിടെ തന്നെ താമസിക്കാൻ നിർദ്ദേശിക്കുകയായിരുന്നു.അധ്യാപകൻ്റെയൊപ്പം സീനിയർ വിദ്യാർത്ഥിനിയായ ഒരു കുട്ടിയും ഉണ്ടായിരുന്നു. അധ്യാപകൻ്റെ പെരുമാറ്റ രീതിയിൽ നേരത്തെ തന്നെ സംശയം ഉണ്ടായിരുന്നതായി വിദ്യാർത്ഥിനി തുടക്കത്തിൽ തന്നെ വ്യക്തമാക്കുന്നുണ്ട്.

മീറ്റ് ആരംഭിക്കുന്നതിൻ്റെ തലേ ദിവസം രാത്രി 9.30 ന് അധ്യാപകൻ റൂമിൽ കയറി വരികയും, വീടിൻ്റെ ബാൽക്കണിയിൽ ഇരിക്കുകയും, എൻ്റെയടുത്ത് ഇരിക്കാൻ പേടിയാണോ എന്ന് വിദ്യാർത്ഥിനിയോട് ചോദിക്കുകയും, രാത്രി 11 മണി വരെ സംസാരിച്ച് ഇരുന്നതായും പറയുന്നു.

ശേഷം സീനിയർ വിദ്യാർത്ഥിനിയും അധ്യാപകനും ഒരു റൂമിലേക്കു പോയി, ഒരു കുട്ടി മാത്രം മറ്റൊരു റൂമിലേക്കും പോയി. അൽപസമയത്തിന് ശേഷം സീനിയർ വിദ്യാർത്ഥിനി കായിക താരത്തിൻ്റെ റൂമിൽ എത്തി അധ്യാപകൻ വിളിക്കുന്നതായി പറഞ്ഞു, എന്നാൽ പോകാൻ തയാറാവാതിരുന്ന വിദ്യാർത്ഥിയുടെ മുറിയിലേക്ക് 10 മിനിറ്റ് കഴിഞ്ഞപ്പോൾ അധ്യാപകൻ വന്നു. വിദ്യാർത്ഥിനിയോട് കട്ടിലിൽ കിടക്കാൻ ആവശ്യപ്പെടുകയും ചെയ്തു. എന്നാൽ ഇതിന് തയ്യാറാവാതെ കുട്ടി അടുത്ത റൂമിലേക്ക് പോയി കതകടച്ചു.
പിന്നീട് ഫോണിൽ നിരന്തരം വിളിച്ചുകൊണ്ടിരുന്നു.
രാത്രി രണ്ടു മണിയോടെ കതകിൽ വന്ന് ഒച്ചത്തിൽ നിരന്തരം തട്ടി, വാതിൽ തുറന്നപ്പോൾ സീനിയർ വിദ്യാർത്ഥിനിയായിരുന്നു, ഇവർ കുട്ടിയോട് അധ്യാപകൻ്റെ കൂടെ കിടക്കാൻ പ്രേരിപ്പിച്ചു, .എന്നാൽ കുട്ടി വഴങ്ങിയില്ല, അതോടെ അവർ പുറത്ത് പോയി, അൽപ്പസമയത്തിന് ശേഷം അധ്യാപകൻ തന്നെ വന്ന് കതകിൽ തട്ടി, റൂം തുറന്നു വേണ്ടാത്തരം കാണിച്ചാൽ ഒച്ചവെച്ച് ആളെ കൂട്ടുമെന്നും പറഞ്ഞു. അപ്പോൾ ഏകദേശം സമയം മൂന്നു മണി കഴിഞ്ഞിരുന്നു.

നാലു മണി കഴിഞ്ഞപ്പോൾ സീനിയർ വിദ്യാർത്ഥിനിയും അധ്യാപകനും കിടക്കുന്ന മുറിയിലെ തറയിൽ കൈയിൽ കൊന്തയും പിടിച്ച് ഇരുന്നു, ആറു മണിയോടെ മുറി വൃത്തിയാക്കാൻ സ്ത്രീ എത്തിയിരുന്നു, ആ സമയം അധ്യാപകനും, സീനിയർ വിദ്യാർത്ഥിനിയും കട്ടിലിൽ കിടക്കുകയായിരുന്നു. അധ്യാപകൻ മദ്യലഹരിയിലുമായിരുന്നു
കതക് ആ സമയം പാതി തുറന്നായിരുന്നു കിടന്നിരുന്നത്. ആ ദിവസം രാത്രിയിൽ തീരെ ഉറങ്ങിയിരുന്നില്ല എന്നും കായിക താരമായ വിദ്യാർത്ഥിനി വ്യക്തമാക്കുന്നു.

നേരം വെളുത്തപ്പോൾ അധ്യാപകൻ്റെ സഹായി നെല്ലിപ്പൊയിൽ സ്വദേശിനിയായ സ്ത്രീ ഫോൺ വിളിച്ച് രാത്രി അടിപൊളിയായിരുന്നില്ലേ എന്നു ചോദിച്ചു, അധ്യാപകൻ മുൻകൂട്ടി പീഡിപ്പിക്കാൻ പദ്ധതിയിട്ട കാര്യം സ്ത്രീക്ക് അറിയാമായിരുന്നു എന്നാണ് ഇതിൽ നിന്നും വ്യക്തമാവുന്നത്.

അധ്യാപകൻ്റെ സഹായിയായ സീനിയർ വിദ്യാർത്ഥിനിയോട് രാത്രിയിൽ നടന്ന സംഭവങ്ങളെ കുറിച്ച് കുട്ടി നെഗറ്റീവായി എന്തെങ്കിലും പറഞ്ഞോ എന്നും പകൽ അധ്യാപകൻ ചോദിച്ചിരുന്നതായി സംഭാഷണത്തിൽ പറയുന്നു.
തനിക്ക് വഴങ്ങാത്തതിന് ഭാവിയിൽ അനുഭവിക്കുമെന്ന ഭീഷണിയും അധ്യാപകൻ മുഴക്കിയതായി സംഭാഷണത്തിൽ വ്യക്തമാക്കുന്നുണ്ട്.







T News

working in the field of advertising and printing

Post a Comment

Previous Post Next Post