ദേശീയപാത 766 ൽ താമരശ്ശേരി ചുങ്കം മുതൽ കുന്ദമംഗലം വരെയുള്ള ഭാഗത്താണ് വ്യാപകമായി അപകട കുഴികൾ ഉള്ളത്. ഒരു സ്ഥലത്തും യാതൊരു അപകട മുന്നറിയിപ്പും നൽകിയിട്ടില്ല.
ലോറികളും, മറ്റു നിരവധി വാഹനങ്ങളും കുഴികളിൽ താഴ്ന്ന് പോകുകയും, ഒട്ടേറെ ബൈക്കുകൾ അപകടത്തിൽപ്പെടുകയും ചെയ്തിരുന്നു. നിരവധി പേരുടെ ജീവനും നഷ്ടമായി.
ഇന്നലെ രാത്രി താമരശ്ശേരി കത്തീഡ്രൽ പള്ളിക്ക് സമീപമുള്ള കുഴിയിൽ വീണ് ബൈക്ക് യാത്രക്കാരനായ വയനാട് സ്വദേശിക്ക് പരിക്കേറ്റിരുന്നു.
പൈപ്പ് ലൈൻ സ്ഥാപിച്ച ശേഷം കുഴികളിൽ മണ്ണിട്ട് ശരിയായി അമർത്താത്തത് മൂലം മഴ വന്നപ്പോൾ താഴ്ന്ന് പോയിരുന്നു, ഇതു സംബന്ധിച്ച് പരാതി ഉയർന്നപ്പോൾ കുഴികൾക്ക് മീതെ മെറ്റൽ തട്ടി സ്ഥലം വിട്ടു.വാഹനങ്ങളുടെ ടയറിൽ തട്ടി മെറ്റൽ തെറിച്ച് പോകുകയും വീണ്ടും വൻ കുഴികൾ രൂപപ്പെടുകയുമായിരുന്നു. മെറ്റൽ റോഡിൽ ചിതറി കിടക്കുന്നത് കാരണം അതിൽ തെന്നി വീണും ഒട്ടേറെ ഇരുചക്രവാഹനങ്ങൾ അപകടത്തിൽപ്പെട്ടിരുന്നു.
റോഡിൽ വലിയ ഗർത്തങ്ങൾ തന്നെ രൂപപ്പെട്ടിട്ടും അധികൃതർ കണ്ണു തുറന്നിട്ടില്ല.
താമരശ്ശേരി മുതൽ കുന്ദമംഗലം വരെ സമാന രൂപത്തിലുള്ള കുഴികളാണ്.
Tags:
Latest News