താമരശ്ശേരി. ഈ വർഷത്തെ എസ്എസ്എൽസി പരീക്ഷയിൽ നൂറ് മേനി വിജയം കരസ്ഥമാക്കിയ കൊടുവള്ളി മണ്ഡലത്തിലെ വിദ്യാലയങ്ങളിൽ മുൻ എംഎൽഎ കാരാട്ട് റസാഖ് നേരിട്ടെത്തി അനുമോദിച്ചു.സംസ്ഥാന സർക്കാറിൻ്റെ പൊതുവിദ്യാഭ്യാസ സംരക്ഷണ യജ്ഞത്തിൻ്റെ ഭാഗമായി മണ്ഡലത്തിലെ സമഗ്ര വിദ്യാഭ്യാസ വികസന പദ്ധതിയായ ക്രിസ്റ്റലിൻ്റെ നേതൃത്വത്തിൽ കഴിഞ്ഞ 5 വർഷക്കാലമായി നടപ്പിലാക്കിയ പ്രവർത്തനങ്ങളുടെ ഫലമായി മണ്ഡലത്തിലെ സർക്കാർ, എയ്ഡഡ് വിദ്യാലയങ്ങളിലെ അക്കാദമിക ഭൗതിക മേഖലകളിലുണ്ടായ മാറ്റങ്ങളുടെ പ്രവർത്തന ഫലമായിട്ടാണ് വിദ്യാലയങ്ങൾക്ക് ഇത്തരം മികച്ച നേട്ടം കൈവരിക്കാൻ സാധിച്ചതെന്ന് മുൻ എംഎൽഎ പറഞ്ഞു.തുടർന്നും വിദ്യാലയങ്ങളുടെ അക്കാദമിക ഭൗതിക സാഹചര്യങ്ങൾ കൂടുതൽ നവീകരിക്കുന്നതിനു വേണ്ടി ക്രിസ്റ്റലിൻ്റെ പ്രവർത്തനങ്ങൾ ഉണ്ടാകുമെന്നും അദ്ധേഹം കൂട്ടിച്ചേർത്തു. നൂറ് ശതമാനം വിജയം കൈവരിച്ചതാമരശ്ശേരി ജി വി എച്ച് എസ്, കട്ടിപ്പാറ ഹോളി ഫാമിലി, സെൻ്റ് മേരീസ് കൂടത്തായി, ജി എം എച്ച് എസ് രാരോത്ത്, ചക്കാലക്കൽ ഹൈസ്കൂൾ, ഹോളി ഫാമിലി വേനപ്പാറ തുടങ്ങിയ സ്കൂളുകളിൽ കാരാട്ട് റസാഖ് സന്ദർശിച്ചു. അധ്യാപകരും പി.ടി.എ ഭാരവാഹികളും സന്നിഹിതരായിരുന്നു.
Tags:
Latest News
