നിയന്ത്രണങ്ങൾ ലംഘിച്ച് വിനോദ സഞ്ചാരത്തിനെത്തിയവരുടെ പതിനഞ്ചോളം ബൈക്കുകൾ പിടികൂടി

കോവിഡ് 19 നിയന്ത്രണങ്ങൾ ലംഘിച്ച് കക്കാടംപോയിൽ മേഖലയിലെ വിനോദസഞ്ചാര കേന്ദ്രത്തിലെത്തിയവരുടെ പതിനഞ്ചോളം ഇരുചക്ര വാഹനങ്ങൾ പിടികൂടി.

തിരുവമ്പാടി പൊലിസിന്റെ നേതൃത്വത്തിൽ വിവിധയിടങ്ങളിൽ പരിശോധന നടക്കുന്നതിനിടെയാണ് വാഹനങ്ങൾ കണ്ടെത്തി പിടികൂടിയത്. ജില്ലയിൽ നിന്നും പുറത്ത് നിന്നും നിരവധിയാളുകൾ  മലയോര മേഖലയിലേക്ക് വിനോദസഞ്ചാരത്തിനെത്തുന്നത് പതിവായിരിക്കുകയാണ്. 

ഇന്ന് പിടികൂടിയ വാഹനങ്ങളധികവും മലപ്പുറം ജില്ലയിൽ നിന്നുള്ളവയാണ്. വരും ദിവസങ്ങളിൽ നിയന്ത്രണങ്ങൾ ലംഘിക്കുന്നവർക്കെതിരെ കർശന നടപടികൾ എടുക്കുമെന്ന് തിരുവമ്പാടി പൊലിസ് ഐ.പി  ഒഫിസർ സുമിത്ത് കുമാർ K പറഞ്ഞു.