പാനൂർ : പാനൂരില്‍ രണ്ടു പേർക്ക് വെട്ടേറ്റു, സംഭവത്തിൽ പൊലിസ് കേസെടുത്ത് അന്വേഷണമാരംഭിച്ചു. പുത്തുർ മഠപ്പുരയ്ക്കു സമീപമുള്ള ബേക്കറി ഉടമയ്ക്കെതിരെയാണ് കേസെടുത്തത്.
നിരവധി ക്രിമിനല്‍ കേസുകളില്‍ പ്രതിയായ ഷിബിന്‍ എന്ന പട്ടാളം കുട്ടു (28), ചീളില്‍ ഷിബി (27) എന്നീ വർക്കാണ് വെട്ടെറ്റത്. തോളിനും, ചെവിക്കും, നെറ്റിയിലും വെട്ടേറ്റ കുട്ടുവിനെ തലശ്ശേരി ജനറല്‍ ആശുപത്രിയിലും, കൈയ്ക്കു സാരമായ വെട്ടേറ്റ ഷിബിയെ കണ്ണൂര്‍ മെഡിക്കല്‍ കോളേജിലും പ്രവേശിപ്പിച്ചു.
വെട്ടേറ്റവർ ആർ.എസ്.എസ് പ്രവർത്തകരാണെന്നും സംഭവത്തിൽ രാഷ്ട്രീയമില്ലെന്നും പൊലിസ് പറഞ്ഞു.തിങ്കളാഴ്ച്ച വൈകിട്ട് നാലരയോടെ പാനൂര്‍ പാലക്കൂല്‍ പുത്തൂര്‍ മoപ്പുരയ്ക്ക് സമീപമുളള ബേക്കറിയില്‍ വെച്ചാണ് സംഭവം.
സംഘര്‍ഷത്തിനിടയായ തര്‍ക്കം എന്താണ് എന്ന് വ്യക്തതമല്ല. സംഭവം നടന്ന ബേക്കറിയുടെ ഉടമയാണ് കടയില്‍ സൂക്ഷിച്ച വാള്‍ ഉപയോഗിച്ചു ഇരുവരെയും വെട്ടിയതെന്ന് ദൃക്‌സാക്ഷികള്‍ മൊഴി നൽകിയിട്ടുണ്ട്.