പീഢന കേസിൽ അറസ്റ്റിലായ അധ്യാപകനെതിരെ മറ്റൊരു വിദ്യാർത്ഥിനിയുടെ വെളിപ്പെടുത്തൽ, രാത്രി കിടപ്പുമുറിയിൽ വന്ന് ബെഡിൽ കിടന്നതായി പറയുന്ന ഫോൺ സംഭാഷണം പുറത്ത്

.

താമരശ്ശേരി: പീഢന കേസിൽ അറസ്റ്റിലായ കട്ടിപ്പാറ ഹോളി ഫാമിലി ഹൈസ്കൂൾ അധ്യാപകനായ മിനീഷിനെതിരെ മറ്റൊരു വിദ്യാർത്ഥിനിയുടെ കൂടി വെളിപ്പെടുത്തൽ.

 വിദ്യാർത്ഥിനികൾ താമസിക്കുന്ന മുറിയിലെത്തി രാത്രി കട്ടിലിൽ കയറി കിടന്ന് വിദ്യാർത്ഥിനിയെ കെട്ടിപ്പിടിച്ചിരുന്നതായാണ് വെളിപ്പെടുത്തൽ, പല കുട്ടികൾക്കും ഇത്തരം അനുഭവം ഉണ്ടായതായും, താഴെ കിടന്ന കുട്ടിയെ അധ്യാപകൻ്റെ കൂടെ കിടക്കാൻ മറ്റൊരു ചേച്ചി നിർബന്ധിച്ചതായും പറയുന്നു.

നിലവിലെ അറസ്റ്റിന് ആധാരമായ പരാതി നൽകിയത് ഈ വിദ്യാർത്ഥിനിയാണെന്ന് തെറ്റി ധരിച്ച് രാത്രി വീട്ടിൽ പോലീസ് എത്തുന്നതിന് മുമ്പ് ഇവരെ ഫോണിൽ വിളിച്ചിരുന്നു. ബാഹ്യ പ്രേരണ കൊണ്ടാണ് പരാതി നൽകിതെന്ന് പറയണമെന്നും, നഷ്ടപരിഹാരമായി എന്തു വേണമെങ്കിലും നൽകാമെന്നും, കാലു പിടിക്കാമെന്നും സംഭാഷണത്തിൽ പറയുന്നു.

ഞാനല്ല പരാതി നൽകിയതെന്ന് വിദ്യാർത്ഥിനി പറയുമ്പോൾ പിന്നെ മറ്റാരാണ് എന്ന് അധ്യാപകൻ ചോദിക്കുന്നുണ്ട്, സാർ ആരാടെല്ലാം ഇത്തരത്തിൽ പെരുമാറിയിട്ടുണ്ട് അതിൽ ആരെങ്കിലുമായിരിക്കും പരാതി നൽകിയത് എന്നാണ് കുട്ടിയുടെ മറുപടി.

ഞാൻ എന്തു തെറ്റാണ് കുട്ടിയോട് ചെയ്തത് എന്ന് ചോദിക്കുംമ്പോൾ രാത്രി കാലത്ത് മുറിക്കകത്ത് കടന്നു വരുന്നതും, കട്ടിലിൽ കിടക്കുന്നതും, കെട്ടിപ്പിടിക്കുന്നതും ശരിയാണോ എന്നും സാറിൻ്റെ മകളോട് ഇങ്ങനെ കാണിക്കുമോയെന്നും വിദ്യാർത്ഥിനി തിരിച്ച് ചോദിക്കുന്നുണ്ട്.

അധ്യാപകൻ്റെ പീഡനത്തിന് ഇരയായ നിരവധി കുട്ടികളെ അറിയാമെന്നും ഭയം മൂലമാണ് ഇത്രയും കാലം പുറത്ത് പറയാതിരുന്നതെന്നും വിദ്യാർത്ഥിനി പറയുന്നു.

അധ്യാപകൻ മുറിയിൽ കയറി കട്ടിലിൽ കിടന്നപ്പോൾ പുറത്തു പോകാൻ പറഞ്ഞതായും, അല്ലെങ്കിൽ തന്നെ അടുത്ത മുറിയിലേക്ക് പോകാൻ അനുവദിക്കണമെന്ന് പറഞ്ഞതായും സംഭാഷണത്തിൽ നിന്നും വ്യക്തമാവുന്നുണ്ട്.

ഹോസ്റ്റലിൽ താമസിക്കുന്ന കുട്ടികളെ വീട്ടിൽ പോകാൻ അനുവദിക്കുകയോ, വീട്ടുകാരുമായി സംസാരിക്കാൻ അനുവദിക്കുകയോ ചെയ്യാറില്ലെന്നും വിദ്യാർത്ഥിനിയുടെ സഹോദരി വ്യക്തമാക്കുന്നുണ്ട്.

ഞാൻ തെറ്റായിട്ട് ഒന്നും ചെയ്തിട്ടില്ലായെന്ന് പറഞ്ഞ അധ്യാപകനോട് പിന്നെ എന്തിന് നിങ്ങൾ ഭയപ്പെടുന്നു എന്ന് കുട്ടിയുടെ സഹോദരി ചോദിക്കുന്നുണ്ട്. തങ്ങൾ ഇപ്പോഴാണ് വിവരമറിയുന്നതെന്നും ഭയം മൂലം തൻ്റെ സംഹാദര

ഇതുവരെ വീട്ടിൽ വിവരം പറഞ്ഞിരുന്നില്ലെന്നും അധ്യാപകനോടു തന്നെ പറയുന്നുണ്ട്.

തങ്ങളുടെ താമസസ്ഥലം ദൂരെയായതിനാൽ നേരിട്ട് പരാതി നൽകാൻ സാധിച്ചിട്ടില്ലെന്നും എന്നാൽ പോലീസ് ചോദിച്ചാൽ എല്ലാം വെളിപ്പെടുത്തുമെന്നും അധ്യാപകനോട് തന്നെ വ്യക്തമാക്കുന്നുണ്ട്.

എന്നാൽ ഇതു സംബന്ധിച്ച് ഇതുവരെ പോലീസിൽ പരാതി നൽകിയിട്ടില്ല.

അധ്യാപകൻ്റെ ക്രൂരമായ മർദ്ദനത്തിന് ഇരയായ പലരും പരാതിയുമായി രംഗത്ത് വന്നിട്ടുണ്ട്