വാക്സിനേഷൻ അട്ടിമറിയിലും, കോവിഡ് പ്രതിരോധത്തിലെ പാളിച്ചയിലും പ്രതിഷേധിച്ച് LDF അംഗങ്ങൾ ധർണ്ണ നടത്തി.

താമരശ്ശേരി: കോവിഡ് പ്രതിരോധ പ്രവർത്തനങ്ങളിലെ അപാകതകൾ പരിഹരിക്കണമെന്നും വാക്സിൻ വിതരണത്തിലെ ക്രമക്കേടുകൾ അവസാനിപ്പിക്കണമെന്നും ആവശ്യപ്പെട്ടുകൊണ്ട് എൽ ഡി എഫ് അംഗങ്ങൾ ഗ്രാമ പഞ്ചായത്ത് ഓഫീസിനു മുന്നിൽ നിൽപ്പു സമരം നടത്തി. പഞ്ചായത്തിലെ ടി പി ആർ നിരക്ക് കുറക്കുന്നതിലും രോഗികളെ പരിചരിക്കുന്നതിലും അനാസ്ഥ കാണിച്ചെന്നും പഞ്ചായത്തിലെ കോവിഡ് കെയർ സെൻ്ററും ഫസ്റ്റ് ലൈൻ ട്രീറ്റ്മെൻറ് സെൻ്ററും പ്രവർത്തിപ്പിക്കാൻ നടപടി സ്വീകരിച്ചില്ലെന്നും സമരത്തിൽ പങ്കുത്തവർ ആരോപിച്ചു. എൽ ഡി എഫ് വാർഡുകളെയും അംഗങ്ങളെയും അവഗണിക്കുന്ന സമീപനം അവസാനിപ്പിക്കണമെന്നും അവർ ആവശ്യപ്പെട്ടു.

    നിൽപ്പു സമരം എൽ ഡി എഫ് കൊടുവള്ളി നിയോജക മണ്ഡലം കൺവീനർ ആർ പി ഭാസ്കര കുറുപ്പ് ഉദ്ഘാടനം ചെയ്തു. ഗ്രാമ പഞ്ചായത്ത് അംഗങ്ങളായാ എ.പി. സജിത്ത്, എ.പി.മുസ്തഫ, പി.സി.അബ്ദുൽ അസീസ്, എം.വി. യുവേഷ്, വി.എം. വള്ളി എന്നിവർ പങ്കെടുത്തു.പഞ്ചായത്ത് എൽ ഡി എഫ് കൺവീനർ വി കുഞ്ഞിരാമൻ, ടി കെ.അരവിന്ദാക്ഷൻ,കണ്ടിയിൽ മുഹമ്മത്, കെ സദാനന്ദൻ പി.സി.അബ്ദുൽ റഹീം, സി.കെ വേണുഗോപാലൻ തുടങ്ങിയയവർ അഭിവാദ്യങ്ങളർപ്പിച്ചു സംസാരിച്ചു.