കട്ടിപ്പാറയിൽ വെച്ചു നടന്ന മത്സരത്തിൽ പങ്കെടുത്ത ശേഷം റൂമിൽ വന്ന് തളർന്ന് ഉറങ്ങുകയായിരുന്ന തൻ്റെയരികിൽ അധ്യാപകൻ വന്ന് കിടക്കുകയും, ബലമായി കയറിപ്പിടിക്കുകയും ചെയിതിരുന്നതായും ,ആ സമയം റൂമിലേക്ക് കയറി വന്ന സഹായിയായ സ്ത്രീ തുറന്നിട്ടിരുന്ന വാതിൽ അടച്ചു പൂട്ടി അധ്യാപകന് സഹായം നൽകിയിരുന്നതായും ഇരകളിൽ ഒരാൾ താമരശ്ശേരി ന്യൂസ്.കോമിനോട് പറഞ്ഞു.
ഗ്രൗണ്ടിൽ നിന്നും തിരിച്ചെത്തിയ മറ്റു കുട്ടികൾക്ക് വർക്കുകൾ നൽകി അകലെനിർത്തിച്ചതായും ഇരകൾ പറഞ്ഞു.
സഹായിയായ ഇതേ സ്ത്രീയുടെ വീട്ടിൽ വെച്ചാണ് നിരവധി വിദ്യാർത്ഥിനികളെ പീഢനത്തിന് ഇരയാക്കിയത്.പലരും ഇക്കാര്യം തുറന്ന് പറഞ്ഞിട്ടും ഇതുവരെ സഹായിയായ സ്ത്രീയെ പ്രതിചേർക്കാൻ പോലീസ് തയ്യാറായിട്ടില്ല.
യൂനിവേഴ്സിറ്റി മീറ്റിൽ പങ്കെടുക്കാനായി എത്തിയ കായിക താരത്തെ രാത്രിയിൽ മുറിയിൽ കയറി പീഢിപ്പിക്കാൻ ശ്രമിച്ചിരുന്നു, സംഭവത്തിൻ്റെ അടുത്ത ദിവസം രാവിലെ അധ്യാപകൻ്റെ സഹായിയായ സ്ത്രീ ഫോണിൽ വിളിച്ച് വിദ്യാർത്ഥിനിയോട് ചോദിച്ചത് ഇന്നലെ രാത്രി അടിച്ചു പൊളിയായിരുന്നില്ലേ എന്നാണ്.
കായിക താരങ്ങൾ വൈകീട്ടും, രാവിലെയും സഹായിയായ സ്ത്രീയെ വിളിക്കണമെന്നും അധ്യാപകനോട് പറയാനുള്ള കാര്യങ്ങൾ ആദ്യം ഇവരോട് പറയണമെന്നുമാണ് അലിഖത നിയമം.
ഒരു സീനിയർ വിദ്യാർത്ഥിനിയുമായി വർഷങ്ങളായി വഴിവിട്ട ബന്ധമുണ്ടെന്നും, അധ്യാപകൻ്റെ മറ്റു കാര്യങ്ങൾക്ക് ഈ കുട്ടിയും സഹായം നൽകുന്നുണ്ടെന്നും ഇരകൾ പറഞ്ഞു.
അധ്യാപകൻ്റെ വലയിൽ നിന്നും രക്ഷപ്പെടാൻ ശ്രമിച്ച വിദ്യാർത്ഥിനിയെ ഭീഷണിപ്പെടുത്തുകയും, പരിശീലനത്തിനായി ചിലവഴിച്ചയിനത്തൽ മൂന്നു ലക്ഷത്തോളം രൂപ ആവശ്യപ്പെട്ടതായും വെളിപ്പെടുത്തി. നിർദ്ദന കുടുംബത്തിൽപ്പെട്ട വിദ്യാർത്ഥിനിക്ക് ഇത്രയും തുക നൽകാൻ സാധിച്ചിരുന്നില്ല.
നെല്ലിപ്പൊയിലിലെ ആദ്യ പീഢന കേസിൽ അധ്യാപകൻ രക്ഷപ്പെടാൻ വഴി ഒരുക്കിയതിൽ സ്കൂളിലെ അധ്യാപകർക്കും , അധ്യാപകൻ്റെ സഹായിയായ സ്ത്രീക്കും പങ്കുള്ളതായും, സാക്ഷികളെക്കൊണ്ട് മൊഴി മാറ്റി പറയിപ്പിച്ചതായും, തന്നെ കൊണ്ട് സ്കൂൾ അധ്യാപകർ രേഖകളിൽ ഒപ്പ് വെപ്പിച്ചതായും, ഇതെല്ലാം കാരണമാണ് അധ്യാപകൻ കേസിൽ നിന്നും രക്ഷപ്പെടാൻ കാരണമായതെന്നും ആദ്യ പരാതിക്കാരി പറഞ്ഞു.
Tags:
Latest News