സ്കൂളില്‍ ആര്‍എസ്എസ് പ്രവര്‍ത്തകന്‍ തൂങ്ങിമരിച്ചനിലയില്‍

 മുക്കം:

മണാശ്ശേരിയില്‍ ആർഎസ്എസ് പ്രവർത്തകനെ തൂങ്ങിമരിച്ച നിലയിൽ കണ്ടെത്തി. മലയമ്മ സ്വദേശി ശങ്കരനുണ്ണിയാണ് മരിച്ചത്. വിവേകാനന്ദ വിദ്യാനികേതൻ സ്കൂളിലെ വരാന്തയിലാണ് മൃതദേഹം കണ്ടെത്തിയത്.

മുത്താലം വിവേകാനന്ദ വിദ്യാലയത്തിൽ ആർഎസ്എസ് പ്രവർത്തകൻ ആത്മഹത്യ ചെയ്ത സംഭവത്തിൽ സമഗ്ര അന്വേഷണം നടത്തണം : ഡിവൈഎഫ്ഐ.

മുക്കം മുനിസിപ്പാലിറ്റിപരിധിയിലെ മുത്താലം വിവേകാനന്ദ വിദ്യാനികേതൻ സ്കൂളിൽ ആർഎസ്എസ് പ്രവർത്തകനായ ഈസ്റ്റ് മലയമ്മ സ്വദേശി പൂലോട്ട് ശങ്കരനുണ്ണി ആർഎസ്എസ് ഗണ വേഷത്തിൽ ആത്മഹത്യ ചെയ്ത സംഭവം സംശയം ഉളവാക്കുന്നതാണെന്നും സമഗ്രമായ അന്വേഷണം നടത്തണമെന്നും ഡിവൈഎഫ്ഐ മുത്താലം യൂണിറ്റ് കമ്മറ്റി ആവശ്യപ്പെട്ടു. ആർഎസ്എസ് ഭാരവാഹിയും സജീവ പ്രവർത്തകനും ഒക്കെ ആയിരുന്ന വ്യക്തി വീട്ടിൽ നിന്ന് സ്കൂളിലേക്ക് വന്ന് ആത്മഹത്യ ചെയ്തത് ദുരൂഹത ഉളവാക്കുന്നു. സ്കൂളുമായി ബന്ധപ്പെട്ടതോ ആർഎസ്എസ്സുമായി  ബന്ധപ്പെട്ടതോ ആയ പ്രശ്നങ്ങളാണ് മരണ കാരണമെന്ന് തോന്നിപ്പിക്കുന്ന സംഭവം അതീവ ഗൗരവത്തോടെ അന്വേഷിക്കേണ്ടതാണ്. യോഗത്തിൽ ഡിവൈഎഫ്ഐ ബ്ലോക്ക് സെക്രട്ടറി ദിപു പ്രേംനാഥ് ,മേഖല ട്രഷറർ മനോജ് മുത്താലം , ശില്പ സി.പി എന്നിവർ സംസാരിച്ചു.

ഇന്ന് ഉച്ചയോടെയാണ് പ്രദേശവാസികള്‍ മൃതദേഹം കണ്ടത്. തുടര്‍ന്ന് പൊലീസിനെ അറിയിക്കുകയായിരുന്നു. പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് കൈമാറും.