അധികൃതരുടെ കണ്ണ് തുറപ്പിക്കാൻ OIOP: കാട്ടുപന്നി ശല്യത്തിനെതിരെ കർഷക ദിനത്തിൽ താമരശ്ശേരി ഫോറസ്റ്റ് ഓഫീസിനു മുൻപിൽ നിൽപ്പ് സമരം

താമരശ്ശേരി : മലയോര മേഖലയിലെ കർഷകരും സാധാരണക്കാരും അനുഭവിക്കുന്ന വന്യമൃഗശല്യത്തിനെതിരെ നടപടികൾ സ്വീകരിക്കാതെ ഉറക്കം നടിക്കുന്ന ഫോറസ്റ്റ് ഡിപ്പാർട്ട്മെൻ്റെ നടപടിയിൽ പ്രതിഷേധിച്ച് വൺ ഇന്ത്യ വൺ പെൻഷൻ മൂവ്മെൻറ് തിരുവമ്പാടി മണ്ഡലം കമ്മിറ്റിയുടെ ആഭിമുഖ്യത്തിൽ താമരശ്ശേരി ഫോറസ്റ്റ് ഓഫീസിനു മുൻപിൽ പ്ലേക്കാർഡുകളും ബാനറുകളും പിടിച്ച് നിൽപ്പ് സമരം നടത്തി. 

മണ്ഡലം സെക്രട്ടറി ശ്രീ ഇബ്രാഹിം ഹാജി ആശംസ അറിയിച്ച യോഗത്തിൽ മണ്ഡലം പ്രസിഡന്റ് ശ്രീ സണ്ണി വി ജോസെഫ് കർഷകർ നേരിടുന്ന പ്രശ്നങ്ങളെക്കുറിച്ചും, ഭരണ സംവിധാനങ്ങളിൽ നിന്ന് അവർ നേരിടുന്ന അവഗണനകളെക്കുറിച്ചും,വെല്ലുവിളികളെക്കുറിച്ചും  സംഘടനയുടെ പ്രതിഷേധം പങ്കുവച്ചു.

കാട്ടുപന്നിയെ ക്ഷുദ്ര ജീവിയായി പ്രഘ്യാപിക്കണം എന്ന കർഷക ആവശ്യത്തിന്റെ പ്രാധാന്യവും സംഘടന പ്രതിപാതിക്കുകയുണ്ടായി.

കർഷകരായ ശ്രീ എം എ ജോസ്, ശ്രീ അബ്രഹാം വാമറ്റത്തിൽ, ശ്രീ ബേബി എന്നിവരും ഈ ധർണയിൽ സംസാരിക്കുകയുണ്ടായി. കൊടിയത്തൂർ പഞ്ചായത്തു ഭാരവാഹി ശ്രീ ജോബി മാത്യു നന്ദി പ്രകാശനം നടത്തി പ്രതിഷേധ ധർണക്ക് പരിസമാപ്തി കുറിച്ചു. കോടഞ്ചേരി പഞ്ചായത്ത് കമ്മിറ്റി പ്രസിഡണ്ട് വ്യാസകുമാറും ട്രഷറർ ശ്രീ രാജേഷ് വാഴപറമ്പിൽ,ശ്രീ തങ്കച്ചൻ പുലയൻപറമ്പിൽ കൂടരഞ്ഞിയിൽ നിന്ന് ശ്രീ വിൽസൺ, തിരുവമ്പാടിയിൽ നിന്നും ശ്രീ ടി എ തങ്കച്ചൻ എന്നിവരും പ്രതിഷേധ സമരത്തിന് നേതൃത്വം നൽകി.