ആളുകള് കൂട്ടം ചേരുന്നത് സുരക്ഷാ ഉദ്യോഗസ്ഥര്ക്കും ആംബുലന്സ് ഉള്പെടെയുള്ള ജീവന്രക്ഷാ പ്രവര്ത്തകര്ക്കും സ്ഥലത്ത് എത്തിച്ചേരാന് പ്രയാസം സൃഷ്ടിക്കും. ഒപ്പം ഗതാഗതക്കുരുക്കുണ്ടാവുകയും അത് മറ്റ് അപകടങ്ങള്ക്ക് പോലും കാരണമാവുകയും ചെയ്യും. മാത്രമല്ല അപകടങ്ങളില് പരിക്കേറ്റവരുടെയോ അല്ലെങ്കില് മൃതദേഹങ്ങളുടെയോ ചിത്രങ്ങളെടുത്ത് സാമൂഹിക മാധ്യമങ്ങളില് പോസ്റ്റ് ചെയ്യുന്നതും നിയമപ്രകാരം കുറ്റകരമാണ്.
അതേസമയം അപകട സ്ഥലങ്ങളില് തടിച്ചുകൂടിയ നിരവധിപ്പേര്ക്ക് ഇത്തരത്തില് പിഴ ചുമത്തിയതായി ദുബൈ പൊലീസ് ട്രാഫിക് വിഭാഗം ഡയറക്ടര് ബ്രിഗേഡിയര് സൈഫ് മുഹൈര് അല് മസ്റൂഇ പറഞ്ഞു. അപകട സ്ഥലങ്ങളില് കൂട്ടം കുടുന്നതിന് പകരം ജനങ്ങള് പോസിറ്റീവായ രീതിയില് പൊലീസുമായി സഹകരിക്കുകയാണ് വേണ്ടതെന്നും പൊലീസ് വ്യക്തമാക്കി.