സ്വര്ണക്കടത്ത് സംഘം തട്ടികൊണ്ടുപോയ പന്തിരിക്കര കോഴിക്കുന്നുമ്മൽ ഇര്ഷാദ് മരിച്ചു. പുറക്കാട്ടിരി പുഴയില് കണ്ടെത്തിയ മൃതദേഹം ഇര്ഷാദിന്റേതെന്ന് സ്ഥിരീകരിച്ചതായി റൂറല് എസ്പി പറഞ്ഞു. ഡിഎന്എ പരിശോധന നടത്തിയാണ് മൃതദേഹം ഇര്ഷാദിന്റേതെന്ന് സ്ഥിരീകരിച്ചതെന്നു കോഴിക്കോട് റൂറൽ എസ്പി ആർ.കറപ്പസാമി അറിയിച്ചു.
ജൂലൈ 17ന് കടലൂർ നന്തിയിലാണ് മൃതദേഹം കണ്ടെത്തിയത്. ഈ മൃതദേഹം മേപ്പയൂർ വടക്കേക്കണ്ടി ദീപകിന്റേതാണെന്നു കരുതി സംസ്കരിച്ചിരുന്നു. എന്നാൽ രണ്ടു ദിവസം മുൻപ് നടത്തിയ ഡിഎൻഎ പരിശോധനയിൽ ഇത് ദീപക്കിന്റെ മൃതദേഹം അല്ലെന്ന് വ്യക്തമായി. തുടർന്നാണ് ഇർഷാദിന്റെ മാതാപിതാക്കളുടെ ഡിഎൻഎ സാമ്പിൾ പരിശോധിച്ചത്
