മാനന്തവാടി: വയനാട് ജില്ലാ പോലീസ് മേധാവിക്ക് ലഭിച്ച രഹസ്യവിവരത്തിന്റെ അടിസ്ഥാനത്തില് ജില്ലാ പോലീസ് മേധാവിയുടെ കീഴില് പ്രവര്ത്തിക്കുന്ന ലഹരി വിരുദ്ധ സേനാംഗങ്ങളും തിരുനെല്ലി പോലിസും സംയുക്തമായി കാട്ടിക്കുളത്ത് നടത്തിയ പരിശോധനയില് 149 ഗ്രാം എം.ഡി.എം.എ പിടികൂടി. സംഭവവുമായി ബന്ധപ്പെട്ട് 2 പേരെ അറസ്റ്റ് ചെയ്തു. കോഴിക്കോട് താമരശ്ശേരിക്കടുത്ത് വലിയപറമ്പ് പുത്തന് പീടികയില് ഹബിബ് റഹ്മാന് (45 ), മലപ്പുറം വാലില്ലാപ്പുഴ കീഴുപറമ്പ് മുത്തങ്ങാ പൊയില് ദിപിന് പി (36) എന്നിവരാണ് അറസ്റ്റിലായത്. ടി ന്യൂസ് വാർത്ത.