താമരശ്ശേരി :ചുരത്തിൽ വളവുകൾ വീതി കൂട്ടുന്നതിന്റെ ഭാഗമായി ദേശീയപാത വിഭാഗത്തിൻ്റെ നേതൃത്വത്തിൽ മരം മുറി ആരംഭിച്ചു. ആറാം വളവിലാണ് ഇപ്പോൾ മരം മുറിച്ചു കൊണ്ടിരിക്കുന്നത്. മരങ്ങൾ മുറിച്ചുമാറ്റുന്ന പ്രവൃത്തി പൂർത്തീകരിക്കുന്ന നിലക്ക് വീതി കൂട്ടൽ പ്രവൃത്തി ആരംഭിക്കും. ചുരം വളവുകൾ വീതി കൂട്ടുന്നതിന് ആവശ്യമായ വനഭൂമി നേരത്തെ തന്നെ വിട്ടു നൽകിയിരുന്നു, ഡൽഹി ആസ്ഥാനമായ കമ്പനിയാണ് പ്രവൃത്തിയുടെ കരാർ ഏറ്റെടുത്തത്.