Trending

ആർട്ട് & ലിറ്ററേച്ചർ ഇനിഷ്യേറ്റീവിൻ്റെ ആഭിമുഖ്യത്തിൽ സഞ്ചാരികളോടൊത്ത്' എന്ന പുതുമയാർന്ന പരിപാടി സംഘടിപ്പിച്ചു

താമരശ്ശേരി :ആർട്ട് & ലിറ്ററേച്ചർ ഇനിഷ്യേറ്റീവിൻ്റെ ആഭിമുഖ്യത്തിൽ സഞ്ചാരികളോടൊത്ത്' എന്ന പുതുമയാർന്ന പരിപാടി സംഘടിപ്പിച്ചു. വിവിധ രാജ്യങ്ങളും പ്രദേശങ്ങളും സന്ദർശിച്ചവരും സഞ്ചാര പ്രിയരുമായ വ്യക്തികൾ പങ്കെടുത്ത് സംസാരിച്ചു. താമരശ്ശേരി പബ്ലിക് ലൈബ്രറി ഹാളിൽ നടന്ന പരിപാടിയിൽ യാത്രയുടെ അനുഭവങ്ങളും സന്ദേശങ്ങളും പരസ്പരം പങ്കുവെക്കപ്പെട്ടു. ഓരോ യാത്രയും ഓരോ ജീവിത പാഠങ്ങൾ നല്കുന്നതായി നിരീക്ഷണങ്ങൾ ഉണ്ടായി. വളരെ ഗൗരവത്തോടെ സഞ്ചാരത്തെ കാണുന്നവരും വിവിധ രാജ്യങ്ങൾ സന്ദർശിച്ചവരുമാണ് പരിപാടിക്ക് മികവേറ്റിയത്.
തുടക്കം മുതൽ അവസാനംവരെ സഞ്ചാര സ്നേഹികളുടെ പങ്കാളിത്തം കൊണ്ട് പരിപാടി ശ്രദ്ധേയമായി.
യാത്രാനുഭവങ്ങൾ പുസ്തകരൂപത്തിൽ പുറത്തിറക്കുന്നതിൻ്റെ ആവശ്യകത ചൂണ്ടിക്കാണിക്കപ്പെട്ടു.ഓരോ രാജ്യത്തിൻ്റെയും സാംസ്കാരിക അവബോധവും അച്ചടക്കവും എത്രത്തോളം  ഓരോ സമൂഹത്തിലും സ്വാധീനം ചെലുത്തുന്നു എന്ന ചിന്തയും അംഗങ്ങൾ പങ്കുവെച്ചു.

നാരായണൻ അവിടെനല്ലൂർ മോഡറേറ്ററായി.

ജോർജ് കെ.വി,ശംസുദ്ദീൻ താനം, കെ പി അഫ്റേം ,അബ്ബാസ് അയപ്പുരക്കൽ, വേലായുധൻ ഒ.പി, ഹമീദ്‌ റിജൻസി, അബ്ദു റഹ്മാൻ കൊടുവള്ളി,വത്സല ടീച്ചർ, ഉസ്മാൻ ചെമ്പ്ര,സഫിയ്യ അബ്ബാസ്, കാഞ്ചന, പ്രജീഷ് വി.കെ, ടി കെ സുവർണ്ണൻ, ദേവരാജ് പി വി, പി കെ രാധാകൃഷ്ണൻ,വിനോദ് പി ആർ, ഉസ്മാൻ വി.പി, വിനോദ് കുമാർ കെ സംസാരിച്ചു.

ആർട് & ലിറ്ററേച്ചർ ഇനിഷ്യേറ്റീവ് കൺവീനർ മജീദ് ഭവനം സ്വാഗതവും പി കെ പ്രകാശൻ നന്ദിയും പറഞ്ഞു.

Post a Comment

Previous Post Next Post