ബീച്ചിലെ മണലില് കഞ്ചാവ് ഉണക്കാനിട്ട് അതിനൊപ്പം പായ വിരിച്ച് ആണ് യുവാവ് കിടന്നുറങ്ങിയത്. നാട്ടുകാര് സംഭവത്തിന്റെ ദൃശ്യങ്ങള് പകര്ത്തുകയും ഉടന് വെള്ളയിൽ പൊലീസിനെ വിവരം അറിയിക്കുകയും ചെയ്തു. ഏകദേശം 370 ഗ്രാം കഞ്ചാവാണ് ഉണക്കാനിട്ട നിലയില് പൊലീസ് പിടികൂടിയത്.വെള്ളയില് സ്വദേശി മുഹമ്മദ് റാഫിയാണ് പിടിയിലായത്.
ഷൂ എല്ലാം അഴിച്ചുവച്ചായിരുന്നു യുവാവിന്റെ സുഖനിദ്ര. ഇയാള് കഞ്ചാവ് ഉപയോഗിച്ചിട്ടാണോ കിടന്നെതെന്ന് സ്ഥിരീകരിച്ചിട്ടില്ല. മുൻപും കഞ്ചാവ് കൈവശം വച്ചതിന് റാഫി പിടിയിലായിട്ടുണ്ട്. റാഫിയുടെ അറസ്റ്റ് രേഖപ്പെടുത്തുകയും ചെയ്തിട്ടുണ്ട്.