അതേസമയം, ഡി എ അനുവദിച്ചത് സംബന്ധിച്ച് മുഖ്യമന്ത്രിയുടെ ഓഫീസില് നിന്നുള്ള സന്ദേശത്തില് എന്താണ് നിയമ വിരുദ്ധതയെന്ന് ഹൈക്കോടതി നേരത്തെ ചോദിച്ചിരുന്നു. ഇത് നല്ല ഭരണ നിര്വഹണത്തിന്റെ ഭാഗമല്ലേയെന്നും ഹര്ജിക്കാരനോട് ഹൈക്കോടതി ചോദിച്ചു. ജീവനക്കാരുടെ അവകാശങ്ങള്ക്ക് ഒപ്പമുണ്ടെന്ന് സര്ക്കാര് പറയുന്നതില് എന്താണ് തെറ്റെന്നും ഇത് ക്ഷേമരാഷ്ട്രത്തില് സര്ക്കാര്, ജീവനക്കാര്ക്ക് നല്കുന്ന ഉറപ്പാണെന്നും കോടതി നിരീക്ഷിച്ചിരുന്നു.
മുഖ്യമന്ത്രിയുടെ വ്യക്തിഗത അക്കൗണ്ടില് നിന്നല്ല ഡിഎ സന്ദേശം അയച്ചത്. ഐടി മിഷന്റെ അക്കൗണ്ടില് നിന്നാണ് സന്ദേശം അയച്ചത്. ഇതില് എന്താണ് നിയമ വിരുദ്ധതയെന്നും കോടതി ചോദിച്ചിരുന്നു. ഇതിന് പിന്നാലെയാണ് സർക്കാരിനെതിരായ ഹർജി ഹൈക്കോടതി ഇപ്പോള് തള്ളിയിരിക്കുന്നത്.