അക്കൗണ്ട് ബാലൻസ് പരിശോധന മുതൽ മിനി സ്റ്റേറ്റ്മെന്റ് എടുക്കുന്നത് ഉൾപ്പെടെ 10 സേവനങ്ങൾ ഉപഭോക്താക്കൾക്ക് ഇതുവഴി ഇനി ലഭ്യമാകും. അക്കൗണ്ട് ഉടമകൾ ബാങ്കിൽ രജിസ്റ്റർ ചെയ്ത മൊബൈൽ ഫോൺ നമ്പരിൽ നിന്ന് ഒരു എസ്എംഎസ് അയച്ച് ഇൗ സേവനം ആക്ടിവേറ്റ് ചെയ്യാം.
+917208933148 എന്ന നമ്പരിലേക്കാണ് എസ്എംഎസ് അയക്കേണ്ടത്. തുടർന്ന് ലഭിക്കുന്ന നിർദേശങ്ങൾ പിന്തുടർന്ന് രജിസ്ട്രേഷൻ പൂർത്തിയായാൽ ബാങ്കിൽ നിന്ന് സ്ഥിരീകരണം ലഭിക്കും. പിന്നീട് +919022690226 എന്ന നമ്പരിലേക്ക് ഹായ് എന്ന വാട്സാപ് സന്ദേശം അയച്ചാൽ സേവനം ലഭ്യമായി തുടങ്ങും.
അക്കൗണ്ട് ബാലൻസ് പരിശോധിക്കൽ, 10 ഇടപാടുകളുടെ മിനിസ്റ്റേറ്റ്മെന്റ്, 250 ഇടപാടുകൾ വരെയുള്ള അക്കൗണ്ട് സ്റ്റേറ്റ്മെന്റ് എന്നിവ ഇതുവഴി ലഭിക്കും. ഇതുകൂടാതെ, പെൻഷൻ സ്ലിപ്, ഭവന–- വിദ്യാഭ്യാസ വായ്പകളുടെ പലിശ സർട്ടിഫിക്കറ്റ് എന്നിവ ഡൗൺലോഡ് ചെയ്യാനും സൗകര്യമുണ്ട്. വായ്പകളെ കുറിച്ചുള്ള വിവരങ്ങൾ, നിക്ഷേപ പദ്ധതികളുടെ പലിശ നിരക്കുകൾ, എൻആർഐ സേവനങ്ങൾ എന്നിവയും അറിയാം. എടിഎം കാർഡ് നഷ്ടപ്പെട്ടാൽ ബ്ലോക്ക് ചെയ്യാനും അടുത്തുള്ള എടിഎം കൗണ്ടറുകളും ബാങ്ക് ശാഖകളും കണ്ടെത്താനും ഈ സേവനം പ്രയോജനപ്പെടുത്താം.
സമയം ലാഭിക്കുന്നതിനൊപ്പം ഉപഭോക്താക്കൾക്ക് സുരക്ഷിതമായി ബാങ്കിങ് സേവനം നടത്താനും ഇത് സഹായിക്കുമെന്ന് എസ്ബിഐ അധികൃതർ അറിയിച്ചു.