ന്യൂഡല്ഹി: കോണ്ഗ്രസിന്റെ മുഖ്യമന്ത്രി പ്രഖ്യാപനം ഡല്ഹിയില്. കേരളത്തിന്റെ ചുമതലയുള്ള എഐസിസി ജനറല് സെക്രട്ടറി ദീപാദാസ് മുന്ഷി, എഐസിസി നീരീക്ഷകരായ അജയ് മാക്കന്, മുകുള് വാസ്നിക്, ജയ്റാം രമേശ് എത്തിവര് മാധ്യമങ്ങളെ കണ്ട് തീരുമാനം പ്രഖ്യാപിക്കും. അക്ബര് റോഡിലെ കോണ്ഗ്രസ് ഓഫീസില് പന്ത്രണ്ട് മണിക്കാകും നേതാക്കള് മാധ്യമങ്ങളെ കാണുക. നേരത്തെ നേതാക്കള് കേരളത്തിലേക്ക് എത്തി പ്രഖ്യാപനം നടത്തുമെന്നായിരുന്നു സൂചന. എന്നാല് ഒടുവില് തീരുമാനം മാറ്റുകയായിരുന്നു.
