തെരുവ്നായയുടെ തലയിൽ കുടുങ്ങിയ ബോട്ടിൽ മുറിച്ചുമാറ്റി നായയെ രക്ഷിച്ചു

കോഴിക്കോട് : തെരുവ്നായയുടെ തലയിൽ കുടുങ്ങിയ ബോട്ടിൽ മുറിച്ചുമാറ്റി നായയെ രക്ഷിച്ചു.ഒളവണ്ണ കൊപ്രക്കള്ളി ഭാഗത്ത് അംഗനവാടിക്ക് സമീപം കഴിഞ്ഞ ഏഴ് ദിവസമായി തലയിൽ കുടുങ്ങിയ ബോട്ടിലുമായി

തെരുവുനായ കഴിയുന്നത്.ഭക്ഷണവും വെള്ളവും കഴിക്കാനാവാതെ

അവശനായ നിലയിൽ ആയിരുന്നു നായ.പരിസരവാസികൾ ബോട്ടിൽ ഊരി മാറ്റാൻ പലതവണ ശ്രമം നടത്തിയെങ്കിലും

അതിന് സാധിക്കാതെ വന്നതോടെതാലൂക്ക് ദുരന്ത നിവാരണ സേനയെ വിവരമറിയിച്ചു.

തുടർന്ന് താലൂക്ക് ദുരന്തനിവാരണ സേന വളണ്ടിയർമാർ സ്ഥലത്തെത്തി നായയെ പിടികൂടിതലയിൽ കുടുങ്ങിയ ബോട്ടിൽ മുറിച്ചുമാറ്റി രക്ഷിച്ചു.

താലൂക്ക് ദുരന്ത നിവാരണ സേന ജില്ല കോഡിനേറ്റർ

മഠത്തിൽ അസീസ്,ജില്ലാ വളണ്ടിയർ ക്യാപ്റ്റൻ മിർഷാദ് ചെറിയടത്ത്,വളണ്ടിയർമാരായ സുകേഷ് ഒളവണ്ണ ,അജിത്ത് പയ്യടിമേത്തൽ, അൻവർ ജവാദ് , ഷൈജു ഒടുമ്പ്ര, സലീം കൊമ്മേരി, റഷീദ് കളിക്കുന്ന്, നിധീഷ് ഒളവണ്ണ തുടങ്ങിയവരുടെ നേതൃത്വത്തിലാണ്

രക്ഷാപ്രവർത്തനം നടത്തിയത്.